Muhiimadda Qaran-dhisku u leeyahey Waddamada aan haysan Ictiraaf Calaami ah. By: Mohamed Abdulahi Duale Cajab
0 - Visits: 1336
-
- Share
Muhiimadda Qaran-dhisku u leeyahey Waddamada aan haysan Ictiraaf Calaami ah. By: Mohamed Abdulahi Duale Cajab Muhiimadda Qaran-dhisku u leeyahey Waddamada aan haysan Ictiraaf Calaami ah.
Dunnidu maanta wakhti badan ayay ku bixisaa dhisidda qarannimadda, waxaaney waddamo badani ku bixiyaan adduunyo fara badan, si loo helo qaranimo la isku wada waafaqsan yahey. Haddaba, Inta badan waxa la isku khaldaa qaran-dhiska iyo dal-dhiska, lakiin faraq weyn ayaa u dhexeeya labadan arrimood. Dal-dhisku wuxuu ku taxalluqaa dhisida, sameynta, kobcinta hay’adaha ama macaahiida dawladeed, iyo kor uqaadida dhaqaalaha, waxbarashada, caafimaadka iyo horumarinta difaaca ciidan ee dalkaas, halka, Qaran-dhisku inta badan xooga saaro in la helo wadaniyad ku saleysan taariikh, dhaqan iyo Midnimo ka dhaxeysa dadka wadankaas degan.
22kii sannadood ee ugu danbeeyey, Soomaaliland waxay xooga saareysey in la kobciyo dal-dhiska, iyadoo awood iyo wakhti badan isugu geysay sidiii ay u dhisi laheyd hay’adaha kala duwan ee dalkeeda. Lakiin, Nasiib darro, waxay ku guuldareystay inay awood badan iyo wakhtiba geliso Qaran-dhiska, oo muhiimad gaar ah ugu fadhiya wadamadda aan ictiraafka caalamiga haysan.
Daraasad uu dhawaan qorey Professor Kol oo ka tirsan Jaamacada Oslo ee dalka Norway, ayaa waxay ku saabsaneyd sii-jiritaanka dalalka aan haysan Ictiraafka caalamiga ah. Professor Pål Kolstø, ayaa wuxuu xusay inay dhawr arrimood muhiim u tahay sii-jiritaanka dalalkaaasi. Ugu horrayn, wuxuu sheegay inay muhiimad ballaadhan u leedahey waddamadani inay wakhti badan geliyaan Qaran-dhiskooda, maadaama wadamaddii ay kala go’een ay ka faa’iideysan karaan gol-daloolooyinka iyo kala qaybsanaaanta ka dhex muuqan karta qarannimadooda. Professor Kolstø, wuxuu intaas ku daray in ay muhiim tahay in waddamadani xooga saaraan adkeynta astaamaha qaranka ee ay leeyihiin, iyo weliba inay xoojiyaan barnaamijyada kobcinta waddaniyadda.
Mar labaadka, wuxuu Profesor Pål Kolstø sheegay inay iyaduna lagama maarmaan tahey inay wadamaddani dhisaan militerigooda, waayo, waxa suurto-gal ah in faragelin militeri ay kaga timaado dalkii ay kala go’een. Mar sadexaad, wuxuu Professor Pål Kolstø sheegay inay muhiim tahey in dalalkani helaan dal muhiima oo qaddiyadooda taageera (External Patron).
Ugu danbeyn wuxuu sheegay in sii-jiritaanka wadamadaas ay qayb laxaadle ka qaadato daciifnimada iyo awood darrida dalalkii ay kala go’een.
Gebo-gebada iyo dulucda qormadan kooban ee lafo-gurka ahi waxay isugu biyo-shubanaysaa inay Somaliland dedaal badan galiso qaran-dhiskeeda taasoo u horseedi karta hanoqaad xoogan iyo horumar dhammeystiran oo ay Somaliland ku naalo
Dunnidu maanta wakhti badan ayay ku bixisaa dhisidda qarannimadda, waxaaney waddamo badani ku bixiyaan adduunyo fara badan, si loo helo qaranimo la isku wada waafaqsan yahey. Haddaba, Inta badan waxa la isku khaldaa qaran-dhiska iyo dal-dhiska, lakiin faraq weyn ayaa u dhexeeya labadan arrimood. Dal-dhisku wuxuu ku taxalluqaa dhisida, sameynta, kobcinta hay’adaha ama macaahiida dawladeed, iyo kor uqaadida dhaqaalaha, waxbarashada, caafimaadka iyo horumarinta difaaca ciidan ee dalkaas, halka, Qaran-dhisku inta badan xooga saaro in la helo wadaniyad ku saleysan taariikh, dhaqan iyo Midnimo ka dhaxeysa dadka wadankaas degan.
22kii sannadood ee ugu danbeeyey, Soomaaliland waxay xooga saareysey in la kobciyo dal-dhiska, iyadoo awood iyo wakhti badan isugu geysay sidiii ay u dhisi laheyd hay’adaha kala duwan ee dalkeeda. Lakiin, Nasiib darro, waxay ku guuldareystay inay awood badan iyo wakhtiba geliso Qaran-dhiska, oo muhiimad gaar ah ugu fadhiya wadamadda aan ictiraafka caalamiga haysan.
Daraasad uu dhawaan qorey Professor Kol oo ka tirsan Jaamacada Oslo ee dalka Norway, ayaa waxay ku saabsaneyd sii-jiritaanka dalalka aan haysan Ictiraafka caalamiga ah. Professor Pål Kolstø, ayaa wuxuu xusay inay dhawr arrimood muhiim u tahay sii-jiritaanka dalalkaaasi. Ugu horrayn, wuxuu sheegay inay muhiimad ballaadhan u leedahey waddamadani inay wakhti badan geliyaan Qaran-dhiskooda, maadaama wadamaddii ay kala go’een ay ka faa’iideysan karaan gol-daloolooyinka iyo kala qaybsanaaanta ka dhex muuqan karta qarannimadooda. Professor Kolstø, wuxuu intaas ku daray in ay muhiim tahay in waddamadani xooga saaraan adkeynta astaamaha qaranka ee ay leeyihiin, iyo weliba inay xoojiyaan barnaamijyada kobcinta waddaniyadda.
Mar labaadka, wuxuu Profesor Pål Kolstø sheegay inay iyaduna lagama maarmaan tahey inay wadamaddani dhisaan militerigooda, waayo, waxa suurto-gal ah in faragelin militeri ay kaga timaado dalkii ay kala go’een. Mar sadexaad, wuxuu Professor Pål Kolstø sheegay inay muhiim tahey in dalalkani helaan dal muhiima oo qaddiyadooda taageera (External Patron).
Ugu danbeyn wuxuu sheegay in sii-jiritaanka wadamadaas ay qayb laxaadle ka qaadato daciifnimada iyo awood darrida dalalkii ay kala go’een.
Gebo-gebada iyo dulucda qormadan kooban ee lafo-gurka ahi waxay isugu biyo-shubanaysaa inay Somaliland dedaal badan galiso qaran-dhiskeeda taasoo u horseedi karta hanoqaad xoogan iyo horumar dhammeystiran oo ay Somaliland ku naalo
Mohamed Abdilahi Duale
Hargeysa Somaliland
Muhiimadda Qaran-dhisku u leeyahey Waddamada aan haysan Ictiraaf Calaami ah. By: Mohamed Abdulahi Duale Cajab
Muhiimadda Qaran-dhisku u leeyahey Waddamada aan haysan Ictiraaf Calaami ah. By: Mohamed Abdulahi Duale Cajab