Jara qabad "maanso" uu curiyey Abwaan maxamed c/raxmaan ibraahim" dhagcad"
Size: 60 KB
Sabti, 15-02-2014
Jara qabad "maanso”
Naftu waa awoodda aan la arkayn ee keenta in nooluhu noolaado,dhalisana inuu ka fekero go’aamada uu raacayo noolashiisa iyo sida u eekaanayo " shiikh,siyaasi,suldaan,fanaan ,abwaan I wm”dhici kartana in la isku darsan karo si naadira,ama si kaleba hadaynu u dhigno waa tamarta uu jidhku ku shaqaynayo ee soo diraysa dabeecadaha noolaha kasoo fulla oo dhan.
Hadaba ereyga " jaraqabad” asal ahaan waxaa loo isticmaala faraska fuulimaadka la baray ee carbiska ah,garaadka uu alle ina siiyey "swt” labo miduun buu ula falgalaa nafta
Ku jaraqabad,fuulis,maamulid iyo hogaanka inuu u qabto,ama lidkeeda inay iyadu ku samayso, natiijaduna waa inay si dhaba ugu aydo ama ku aafowdo…
Noolashiyo jiritaanka guud
Wuxuu soo joogay aadmigu
Haday jarribnaanto naftu
Amay jirranaato ruuxdu
Waxaa jawaafsama habdhaqanka
Waxaa jaqaafsha damiirka
Waxaa loo joogay waayaha
Wadcigoo lasoo jarribay
Labo jabbaa u abtiirsiimo ah
Wax loo jarayooy adkayso
Ama waxay jamatooy ku aado
Jitaabo sadexaadna maba taal
Talo la dhex joojo labadaas!!!
***** **** ***********
Garaadka jahligu daboolaa
Jarbuu kugu maguugaaye
Bal ufiirso jaantuskaaga
Xubnaha gudahaaga jooga
Waa kala jaadad,hadana jaango’an
Wada jiroo, kala jufi unugga ………….. "xubno samayskooda iyo shaqadoodu kala jaada hadana si guud
Wanaagu haduu wada jibaaxo u wada sahqaynaya”
Jirraduna way wada abaartaa
Faryartu hadday jugoowdo
Dhafoorkaa jibaada kolkaaba
Ileena dhusunkaa isku jiinee!!!! ………………. Jiin "gene” hidoo qaadaha noolaha” hal zaygoot weeye..
**** ******* **********
Hawadaynu jiiidnee gudhaynin
Biyaha haraadka inaga jaraaya
Irsiqaa inoo jarranee liqayno
Ajashaa jus qeexanee sar go’an
Oohow ma fiicna jikaarkuye
Jasaa’gay lahayd ma fulinay!!! ……….”abaalgudgeedii aynu is waydiino”
***** ******* *********
Intaa jaandheerta ku maqan
Jaas iyo ciyaar ku foogan
Intaa jaadku qanaaco u yahay
Intaa jeebku ka noqday qiimaynta
Intaa tuurtay jalbiibkiii
Jaansaarka galbeedku saaqay
Amaanooyinka intaa jidhdayacday
Ee jilaysa filim sarcaadka
Intaa inta wax loo joomitiriyey
Loogu dhuftay jibbaarka beenta
Laga jaanguurshay dhaqankii
Jid caddaa waxay ka goosteen
Kuwo janbigaa horo u qaaday
Iimaankii jidhiidhicada lahaayo
Aaway jixin jixii dareenku
Miyaynaan janno doon ahayn!!!!
****** ******* ********
Jaah baa garbaduuban beena
Jaajaalenimo laysku xoogayaa
Marinkay isku jiidhaysaaa
Jawigeedu waa afmiishaar
Siyaasadan jaan jaamay damacu
Jariimadda kuba ah noolushu
Dadkaygu iyagoon jilcinba
Hadday jiibtu isu yeedho
Wuxuunbaa madow igaga jiraa
Jeer ay kobci garasho!!!!!
***** ***** *********
Kolkay jiidheen darkii
Jidhaantiyo baadku yiil
Jadiinkiyo gunnadu tiil
Jumladda noolashu tuurnayd
Ayay jaan iyo cidhib le’deen**
Daymood bal waxa kusoo jabay
Digniin ay u ahaysay jaafi
Oy jidh diidanayd gudashadeeda
Dawga cad haduu u juuqaba
Duufaanay kuba jabsheen
Qofkii kuu jideeya xaqana
Intaad asal raac ku jeexdo
Inataad ku jariixdo maangaab
Naanays ku jaguug miyaa!!!!
Bal iskaa iskuba jawaaboo
Gaalkii xisdigu jiifay
Juskeebaad kaga duwan tahay
Meeyey jidhkii iimaanku
Aaway jabaqdii dadnimadu
Miyaynaan janno doon ahayn!!!!
******* ****** *********
Hadba midkaad la jaarto
Jaalleha dhow,ka dhigato
Ayaa jaangooya dabcigee
Jeeniwareer qof kugu rida
Oo jaldi,muuqa qudhiya ah
Jalla’a waa inaad ka ahaataa!!!
****** ****** ********
Juujuubkaa u abdo ahee
Haday naftu jeel kafakato
Ibliisna hor jooge uga yahay
U jibbaysan tahay hawadeeda
Jamaalkiyo dhaldhalaalka og
Jaran jaruunbay inalakala kortaa
Jaakadeedu naar tahay
Jaliilku haynaga najeeyee
Waa tubtii jahanmee ogow!!!
****** ****** ********
Qofba waxa u jillan tiisa
Fikirna wuu jiho tusmeeyaa
Juhdibaa wax ka dhiga taada
Naftuna waxay ku toostaa jeedal
Waxay kuu taamtaa jaara qabad
Intaad ugu jilib dhigto cilmiyan
Ku jeelbixi qur’aanka kariimka ah
Kolkaasaad jaqi nimcadee!!!!!!!
w/q: maxamed c/raxmaan ibraahim” dhagcad”
Jara qabad "maanso" uu curiyey Abwaan maxamed c/raxmaan ibraahim" dhagcad"
Jara qabad "maanso" uu curiyey Abwaan maxamed c/raxmaan ibraahim" dhagcad"