Diyaarad Rakaab laga leeyahay Kuuriyada Koonfureed Oo sadex boqol oo rakaab ah iyo 17-shaqaale ahi saarnaayeen ayaa dab ka holcay, mid ka mid ah miishinada diyaaradaas, oo isu diyaarinaysay inay ka duusho madaarka caasimadda dalka Jaban ee Tokyo.

 

Dab damiska ayaa si degdeg ah ugu soo gurmaday, waxaana laga daad gureeyay rakaabkii oo 3-boqol tiradoodu ahayd iyo shaqaalihii, shilkan oo dhacay wakhti duhurkii ku dhow, ayaa shaqadii madaarka oo dhan hakad ku keenay, isla markaana argagax iyo casbi wayn ku abuuray rakaab tiro badan oo diyaarado ka raacayay iyo kuwii diyaarada dabku ka kacay ku safrayay.