Markuu cabbaar ka warramay isbedelka dalkii ka jira ayuu ka sheekeeyay siday ahaayeen qosykii uu la joogay bishii fasaxa. wilkiisi Sugulle intuu gacanta midig qabtay ayuu gaar ula baxay oo la galay qolkii hurdada, wuxuu uga warramay Nagaad iyo sidii ay u xiisa gelisay " aabbo waxaan xasuusta ka

 baxayn inan la yidhaa Nagaad oo ay dhashay eedada wanaageedi iyo siday iiso dhaweysay, waxay ahayd baariyad edaab iyo akhlaaq Alle ku galladay. Debeecad wanaaga waxa u dheerayd dadnim aanay mar qudha ku karahay. Aabbo inaabtida inan la mida ma arag beryaha, sanqaroorka shuban, dheeha midabka, dhererka iyo dhummucda, waxay ahayd geenyo dhigeed dhif yahay” waxay iigu kaasi dhiibtay hadyad kitaab iyo khamiis aabbo.

Sugulle sheekada aabbhihii siduu u waday qiirada ka muuqatay ayuu la dhaygag sana, si debecsanbuu u dhegaystay aabbihi oo ay ahaayeen saaxiibbo ixtiraam waalid ka dhexeeyo. Hadyadii uu ugusoo talo galay inankiisa ayuu guddoonsiiyay. Sheekadi markay dhammeeyen ayuu sawir ay wada galeen maalintuu soo dhoofayay daawad siiyay, Sugulle aadbu uga helay Nagaad, markuu dareemay inuu la dhacsanyahay ayuu gGiire inankiisi ku yidhi "aabbo aan kuu duceeye inaabtida makuu dhisaa, waxaad taagantahay waqtigii aad yeelan lahayd qoys iyo mustaqabal madax bannaan oo gooniya, annigu markaan da’daada ahaa ayaan guursaday hooyada oo aan ahaa nin xilla saamadoo isku filan. Kolhadaad dhammaynayso Jamaacaddi sannadkan oo aad shaqo wacanna hayso aabbo inaabtidayoon aad ugu kalsoonahay ayaan kula gacloodee guurso” Weligii aabiihi kamuu hor iman wuxuu ahaa wiil ixtiraam badan, aadbu usoo dhaweeyay dalabka aabbihi, waxaanay ku tashadeen fasaxa inay dalka isu raacan oo rarinka soo dhameeyaan.

Giiroo faraxsanbaa toddobaad kaddib lasoo hadlay walaashi Haweeya oo ay isku ogaayeen arrinka markaan gurigii ku noqdaan dhammaynayaa, wuxuu u sheegay inuu ka dhaadhiciyay dhismaha qosyka Sugulle. Haweeye habbeenka warku soo gaadhay aadbay u farxaday, xasuusteeda caweyskaasi wuxuu ka mid ahaa habbeenadii nolosheeda ugu faraxadda badnaa. Waxay gahsya markiiba riyo iyo rayn rayn ay sawiranaysay mustqabalka inanteeda Nagaad. Qoyska cusub iyo dhismaha la dhisaayo guriga Nagaad Lix bilood kaddib. Waxay ku kala tageen in abaabulka hawsha la bilaabo oo Nagaadna la wargeliyo si ay u diyaar garawdo. Meherkuna dhaco bil kaddib.

Caweyskii markii lasii seexanaayay ayay qolkeeda ugusoo gashay haweeyi inanteedi Nagaad oo hurdo u diyaar garoobaysa, intay sareerteeda dacal kaga fadhiisatay ayay ku tidhi " hooyo caawa arrinbaan kuula socda inaan ka wada hadlno Nagaadeey” aadbay u yaabtay arrinkaa cusub ee xilligan hooyadeed hurdada u diiday Nagadaa, hooyo diyaarbaan kuu ahee ii sheeg arrinka aad iga warsanayso caawa " Nagaadeey waxaad tahay agoon ubad wiil iyo gabadh aduu Alle ikaa siiyay, waxaad tahay waalid adeec aan weligeed I murugo gelin, ixtiraam waalid iyo mid ubadnimana waad isiisay oo waan kuu duceeyaa hadh iyo habbeen. Hooyo abtigaa Giire waxaanu isla garannay inankiisa Sugulle in lagugu daro oo bishan meherkiina la dhammeeyo, fasaxana ay yimaadan abtiyo iyo inanku aroos iyo ilo xidh weyna laguu dhigo. Sugulle waa wiil baariya oo adoo kale ah aabbahiina wanaag badanbu iiga sheegay inaabtiga inaan kuugu duceeyo oo aan kugu ogaadaan kuula socdaa caawa Nagaadeey”

Warkaasi lama filaan aanay weligeed ku riyoonbuu ku ahaa Nagaad, anfariir iyo afkala qaadbuu ku noqday hooyadeed aadbay u jeceshahay oo weligeed hadal kumay celin. Arrin ay usoo bandhigtayna abidkeed may diidin, waxaanay ahayd gaari dhega nugul Nagaad. Cabbaarbay aamusnayd oo ay ka fekeraysay arrinkaa hooyadeed usoo bandhigtay, dhan waxay ka fekeraysay Naaleeyo jacaylka ka dhexeeya iyo ballantii ay wada galeen. Markay aamusnayd muddo ee hooyadeedna farta wadnaha ku hayso ee ay isleedahay billaayoo caawa ku diiday Nagaad ayay ku tidhi hooyo iska seexa waan ka fekerayaa waxna xumaan maayaan.

Habbeenka Nagaad il iyo baal ismay gelin waxay sida filanka daawanaysay xasuusihii ay soo wada mareen Naaleeye, waxay ka werweraysay sida uu noqon doono xaal haddi ay iswaayan, nafteeduna sida y uga maarmi doonto noloshiisa. Hooyadeed aadbay u jeceshahay weligeedna may diidin arrin ay isoo jeedisay, way ku adagtahay inay ducada Hooyadeeda baal martaa oo ay rabitaanka arrinkaas diida. Murugada u wenise waxay ka haysaa Naaleeye oo nafteeda u huray noloshiisa muddadi dheerayd ee ay ahaayeen lamaahanah jacaylku mideeyay. Naaleeye muddadi uu shaqada galay bil kasta wuxuu ku kaabi jiray dhaqaalaha nafteedu gaarka ugu baahantahay. Wuxuu ka jeclaa qof kasta oo adduunka ku nool waxaanay u ahayd waax ka mid naftiisa.

Waaberigii markii qorraxdii nuurka badnayd dhulka ifisay ayay soo qaadday mobilkeedii iyadoo murugysanna waxay wacday Naaleeye oo marka usii socda xafiiski u ka shaqayn jiray. Markuu ka qabtay ee ay bariido iyo kaftan isku hal-celiyeen ayay ku codsatay inuu siiyo waqti intaanu shaqada gelin si ay uga wada hadlaan arrin soo kordhay. Naaleeye weli arooryo arrin sidan u degdega may wada xallin, intabadan waxay ka tashan jireen arrimaha jacaylkooda quseeya habbeenkii intay ballamaan oo ay kulan casho wadaagi jireen. Wuxu u sheegay in shaqaddi saacadi ka hadhantahay oo ay la wadaagi karto arrinka soo kordhay. Nagaad oo murugo badani hayso ayaa Naaleeye kula hadashay cod hoose oo qiiro ka muuqato ugana mahad celisay waqtiguu siiyay. La socoo