Maansada ILBAADSI Erayadii Hal Abuur Maryama Laki Cooraaf

0
Saturday September 24, 2016 - 14:28:57 in Maqaallo by salman abdi
  • Visits: 277
  • (Rating 0.0/5 Stars) Total Votes: 0
  • 0 0
  • Share via Social Media

    Maansada ILBAADSI Erayadii Hal Abuur Maryama Laki Cooraaf

    Hal abuur Maryama Laki Cooraaf Waxay Maansadan ku sheegtay Kii ay Guursan lahayd noocu noqon lahaa iyo da'du ahaan lahaa

    Share on Twitter Share on facebook Share on Digg Share on Stumbleupon Share on Delicious Share on Google Plus

Hal abuur Maryama Laki Cooraaf Waxay Maansadan ku sheegtay Kii ay Guursan lahayd noocu noqon lahaa iyo da'du ahaan lahaa


Markaan eegee ilbaadshay

Aduunka duruufihiisa

Miisaanka aqoonta taala

Masuuliyadiyo asluubta

Markaan dhalinteena eegay

Ilayn damac baan ahaaye

Ragoo dhan markaan indheeyay

Midkaan aqalkiyo ardaaga

Uunsiga ugu shidi hadhwtoo

Geyaanka markaan ka eegay

Mudaba aan aayiraayay

Ararta anoon ku raagin

Hadaan alifkuun ku sheego

Runtaa lagu eeran jiraye

Hadaan been kaba ag guuro

Bal eega halkaan arkooday

Casrigan amraneey la joogo

Ogow inan yari midh maha

Masuul iyo argti malaha

Aqoon qoyseed ma haysto

Intood weligaa xaq dhawrto

Hadaad uunsiga qolkiisa

Nadiifinta agabadiisa

Asluubtiyo haybadaada

Xigtada u ardaayideeda

Afkaaga ilaalintiisa

Intaba weliga ku daasho

Abaal iyo garasho buuxda

Amama amraney xushmaynta

Waqaa kugu eegi maayo

Hadaad raaliyo ahaato

Hadaad afarqaadka dhaafto

Hadaad adinkaaga dhawrto

Aduunku haduu ku sheego.

Inaad tahy johorad aadmi

Isagu iimansan maayo

Wuxuu arkayaa haweenka

Dariiqa midii ordysa

Amaba meel baas u jeeda

Adiga ku adeeci maayo

Ilayn waxaad tahy bashare

Haduu arin kaa halaabo

Intuu samir aayar yeesho

isagu kugu caawin maayo

Inuu mida saxa ku siiyo

Intuu oriyoo cabaado

Ayuun bay jaarka gaadhi

Dhaliishii aad agtiisa

adoon ula jeedin keentay

Hadhawna intuu is xoojo

Ayuu ehelkiyo asxaabta

Dhamaan wada gaadhi iintu

Adoo qajilaad bestaaya

Adoo qalbigii ka huuray

Ayuu warqadoo af duuban

Indha kaa saari huuno

Hadaan alle kaaga keenin

Ogow meherkana ma dhiibo

Afrtaa wiilkaa warkiisa

Miyaan ku xariiqay eegga

Bal aan odyada gaboobay

Ilaa lixadan gaadhay eego

Iyaga arinkooda baayo

Ilbaadsho amuurahooda

Ilayn waa boqol jir uune

Adoo shabbadoo asluubleh

Intuu ku heluu ku caayi

Naftiisana kuma astaysana

Kalsoonidu kuma arsaaqna

Hadaad ilinkaba istaagto

Wuxuun buu moodi eedo

Isagoon saqadh qudha maqlaynin

Ayuun buu qaylo oogsan

Waxaanu arkayn dagaali

Adeerkiyo aabahaaga

Walaalka ama abtiga

Intuu eegoonu fiirsan

Ayuun buu qaarta saari

Adiga ku adeeci maayo

Awlaada ma xeerinayoo

Xididka ixtiraami mayo

Intaba shakigaa ka wayne

Wuxuu kaa dhigi adaahi

Ufoo ka qadhmuun dhunkaasha

Martida aqalkaaga joogta

Intuu ka shakiyo warkooda

Aday kugu diri yidhaahdo

Ayuun buu qaar ku baacasan

Isaga oday raqa warkiisa

Intaa uma dhaafi doono

Hadan amraneey midhkayga

Hadaan heli laa asteeyo

Aqoon yahan caana weeye

Asluub iyo dhaqan leh weeye

Raga dalka eega jooga

Xoogisiyo waa uhdiisa

Sodonka inyar buu dul dhaafay

Ilaa konton muu ahaanin

Arlada ogobeey la joogo

Wuxuun baa lagu arkaaye

Dad iyo duunyoba intiisa

allaha xaakimi u kiilye

Ogow sogob qaawan maha

Nin dooboo iinleh maha

Asqiyo iska xiime maha

Fusuqa mid ku aadan maha

Arlada mid xumaan ku sheegan

Dadkuna ka cabsoodo ma aha

Sirkhaan I dilaaya ma aha

Aboodi I ruufa ma aha

Xigtada mid indhaha ku taga

Amaba ehelkiisa gooya

Ogow hada kaygu ma aha

Ilaahay adeecidiisa

Awaamiirtiyo xaqiisa Ogoow

mid ka leexday maha

Ilayn raga ooryahooda

Ilahy kuma yarayne

Haduu hore aqal u taagay

Mid dhibay oo eed u gaystay

Ninkani ma ahee yaqiinso

Awlaadiyo reerihiisu

Arlada dar ka sheegan weeye

Aqoon iyo diin leh weeye

Haduu allahy I siiyo

Anigu kaasaan arkooday

Labaatan jir eegi maayo

Sodonka ma ilbaadinaayo

Lixdanka uba joojin maayo

Afartan isagoo in dhaafay

Amaba sanadkaa u buuxa

Ayuun baan doonayaaye

Carruurta I dhaafi eegga

Odayna haysoo karbaashin

I dhaafi intaba dhibtooda

Masuul asalaan rabaaye

Araarta hadaan dhameeyay

Midkaan eegtoow warkaaga

Aduunka hadaan u sheegay

ahaaw caynkaan tiraabay

Aniga dhinacayga aamin

Arlada uunkaa dhex jooga

Adaan gidi kaala baxaye

Bilaahiye hay irdhaynin

Jacaylkana ood ha saarin

Nasiibkana hayga oofasan

Intaad hebelow ku taalo

Hadaan kuu sii asteeyo

Intood durugtood fogaatay

Ooftiyo sanbabkayga dhaaftay

Ayaad qalbigiyo agtiisa

Ku leedahy seere oodan

Aadane nooloo la sheegay

Inuu kaa daba yimaado

Allaha xigmadiisa mooyi

Anigu ma qorshaysan xaaji

 

By: Maryama Xurmo Cooraaf