iyo xidiga kooxda Everton eeGareth Barry ayaa waxqabad cajiib ah oo ay ka sameeyeen horyaalka Ingiriiska awgeed lagu abaal mariyay in abaal marintan lagu siiyo.

Goolhaye Petr Cech oo waqtigiisii ugu badnaa ee Premier Leaque-ga ku soo qaatay Stamford Bridge ayaa buuga dhacdooyinka aduunka ku galay in uu noqday goolhayihii ugu horeeyay ee 181 kulan oo Premier Leaque-ga ah shabiqiisa waxa gool ah ka ilaaliyay. Goolhayaha kooxda Arsenal ee Petr Cech ayaa la wareegay rekoodhka goolhayaha kulamada ugu badan garoonka ka baxay isaga oo aan wax gool ah laga dhalin, waxayna sabab ugu noqotay in abaal marinta buuga dhacdooyinka layaabka leh ee aduunka lagu daro.

Dhinaca kale xidiga kooxda Everton eeGareth Barry oo sidoo kale ka soo ciyaaray kooxaha Aston Villa iyo Manchester City ayaa buuga dhacdooyinka layaabka leh ee aduunka ku galay in uu noqoday ciyaartoygii ugu horeeyay ee Premier Leaque-ga kulamada ugu badan ku soo bilawday isaga oo 580 kulan ku soo bilawday shixihii kooxihiisii Aston Villa, Manchester City ama kooxdiisa hadda ee Everton, waxayna tani keentay in abaal marintan la gudoonsiiyo.

Waxa kale oo jiray ciyaartoy badan oo kale oo ka tirsan noocyada kale duwan ee ciyaaraha kale oo la gudoon siiyay abaal marinta ay ku galeen buuga dhacdooyinka layaabka leh ee 2017. Buuga dhacdooyinka layaabka leh ee 2017 ayaa sidoo kale lagu sharfay Novak Djokovic, Cristiano Ronaldo, iyo kooxdaLeicester City oo xili ciyaareedkii hore si lama filaan ah ugu guulaystay koobka premier Leaque-ga.