Horyaalka Premier Leaque-ga ayaan lahayn waqti fasax ah si la mid ah horyaalada kale, waxaana xiligii qaboobaha ee fasaxa la gali lahaa la ciyaaraa
kulamada ugu badan ee saamaynta ugu wayn ku yeesha ciyaartoyda iyo kooxahooda. Laakiin waxaa jira ciyaartoy khaas ah oo xili ciyaareedkan Premier Leaque-ga ka ciyaaray daqiiqad kasta oo aan hal daqiiqo la nasin.
Ciyaartoyda xili ciyaareedkan daqiiqad kasta ka soo muuqday Premier Leaque-ga ayaa ah 19 ciyaartoy laakiin 6 ka mid ah ayaa ah goolhayayaal taas oo la micno ah in ay jiraan kaliya 13 ciyaartoy oo aan goolhayayaal ahayn oo xili ciyaareedkan daqiiqad kasta ka soo muuqday Premier Leaque-ga. Caadiyan goolhayayaasha ayaa xili ciyaareedka oo dhan daqiiqad kasta ciyaari kara maadaama oo ayna orod badan samayn laakiin waa kuwee 13 ka geesi ee xili ciyaareedkan daqiiqad kasta ordayay kulamadii Premier Leaque-ga.
Shirkada ururisa xogta horyaalka Premier Leaque-ga ee Opta ayaa shaacisay 13 ka ciyaartoy ee xili ciyaareedkan kulankasta oo Premier Leaque-ga ah daqiiqad kasta ka ciyaaray iyada oo ay dheer yihiin 6 gool haye oo iyaguna daqiiqad kasta saftay.Petr Cech, Thibaut Courtois, David de Gea, Lukasz Fabianksi, Fraser Forster iyo Ben Foster ayaa soo saftay1,530 daqiiqo ee ilaa hadda la soo ciyaaray oo ka kooban 17 kulan.
HALKAN KAGA BOGO 13 CIYAARTOY EE AAN GOOLHAYAYAASHA AHAYN EE DAQIIQAD KASTA KA SOO MUUQDAY PL XILI CIYAAREEDKAN:
Cesar Azpilicueta (Chelsea)
Nathaniel Clyne (Liverpool)
Steve Cook (Bournemouth)
Curtis Davies (Hull City)
Simon Francis (Bournemouth)
Ben Gibson (Middlesbrough)
N’Golo Kante (Chelsea)
Michael Keane (Burnley)
Gareth McAuley (West Brom)
Ben Mee (Burnley)
Wes Morgan (Leicester)
Virgil van Dijk (Southampton)
Jan Vertonghen (Tottenham)
Ma jiro hal ciyaartoy oo daqiiqad kasta xili ciyaareedkan ka soo muuqday safka kooxaha Manchester United, Arsenal iyo Manchester City oo aan ka ahayn goolhayayaasha halka Cheslea ay laba ciyaartoy daqiiqad kasta soo safteen kulamadii Premier Leaque-ga. Liverpool ayaa hal ciyaartoy ku leh. Laakiin maalinta Boxing Day-ga waxaa la hubaa in liiskani uu ugu yaraan ku soo yaraan doono 12 ciyaartoy iyada oo Kante uu ganaax ku maqnaan doono.
0 
Imisa Ciyaartoy Oo Horyaalka Premier Leaque-ga Ka Tirsan Ayaa Daqiiqad Kasta Soo Ciyaaray 17kii Kulan Ee PL? Ogow Cida Kooxdaada Ugu Jirta.
Horyaalka Premier Leaque-ga ayaan lahayn waqti fasax ah si la mid ah horyaalada kale, waxaana xiligii qaboobaha ee fasaxa la gali lahaa la ciyaaraa