Wakhtigan Maaha Inaynu Toban Kun Oo Dollar Ku Qarash Garayno Siminaar,Solja Waxa Ay Cadaysay In Ay Ku Diganayso Dadka Abaaruhu Saameeyeen W/Q Maxamed Andar

0
Saturday January 07, 2017 - 18:20:20 in Maqaallo by Hargeysa Office
  • Visits: 165
  • (Rating 0.0/5 Stars) Total Votes: 0
  • 0 0
  • Share via Social Media

    Wakhtigan Maaha Inaynu Toban Kun Oo Dollar Ku Qarash Garayno Siminaar,Solja Waxa Ay Cadaysay In Ay Ku Diganayso Dadka Abaaruhu Saameeyeen W/Q Maxamed Andar

    Wadanku waxa uu ku jiraa abaaro ba,an oo saameeyay dad iyo duunyaba taas oo keentay xataa in reer miyigiii markii ay u adkaysan waayeen macaluusha iyo daruufta adag ee taala baadiyaha ay iyaga iyo xoolahoodiiba usoo hayaameen magaalooyinka waawayn ee

    Share on Twitter Share on facebook Share on Digg Share on Stumbleupon Share on Delicious Share on Google Plus

Wadanku waxa uu ku jiraa abaaro ba,an oo saameeyay dad iyo duunyaba taas oo keentay xataa in reer miyigiii markii ay u adkaysan waayeen macaluusha iyo daruufta adag ee taala baadiyaha ay iyaga iyo xoolahoodiiba usoo hayaameen magaalooyinka waawayn ee dalka.

 

Hadaba iyada oo maanta Somaliland ay ku jirto marxalad aan madax iyo mijaba laysaka indha tiri Karin ayaa hadana waxaa gudaha magaalada hargaysa kasocota mashruuc ay iska kaashadeen ururka afku macaashka ah ee ku magacaaban saxaafada Somaliland ee solja iyo sanduuqa horumarinta Somaliland ee sdf kaas oo ay ku baxayso lacag kabadan 10,000 oo doolar iyada oo waliaba dhanka kalena ay jiraan dad ku tabaalaysan daafaha dalka,oo ay xaalada abaareed saamaysay.

 

Marka aad eegto cadadka lacagta iyo sida meel aan loo baahnayn loogu qarash garaynayo waxaa halkaa kaaga soo baxaya in ururka solja aanu dan iyo muraad toona ka lahayn xaalada abaareed ee ka taagan baadiyaha dalka, waxa kale oo markiiba kuu cadaanaysa in solja aanay wax naxariis ah u haynin umadeeda balse kaliya ay danaynayso, wixii iyaga quseeya ee danteeda ah.

 marka aad tahay shikhsi garanaaya amaba ka war qaba xaalada uu dalku maanta kujiro, imisa qoys oo dan yar ah oo ay abaaruhu saameeyeen ayaa ay lacagtaasi ku filnaan lahayd, walaw aanay marnaba baahiyahoda asaasiga ah ku filnaanaynin hadana, waxaa hubaal ah in xataa hadii 100 qoys oo kaliya loo qaybiyo 10,000 kaa kun ee dollar ay qoys waliba heli lahaayeen 100$ taas oo wax dhan kaga filnaan lahayd baahiyahooda, soljana ajar iyo abaal ay waligeed ugu hayn lahaayeen dadkaasi, sidoo kalena  ajar iyo xasanaad fara badan ay xaga alle (sw) ka heli lahaayeen, laakin ma aanay dhicin oo waxa ay solja  ka doorbideen walaalahooda abaaraysan magac iyo sumcad aduunyo.

 

maanta marka aad aad qiimayn ku samayso habka uu ururka afku macaashka ah ee solja wax u wado waxaad dareemaysaa kaliya mida ay solja usocota in ay tahay magac,iyo sumcad aduunyo laakin ay ilawsantahay in halka magaca laga samaystaa ay tahay xaga alle (sw) waxa marag ma doonta ah in solja mashruuc ay kasoo qadatay sanduuqa horumarinta Somaliland ee sdf taas oo ay sheegtay in 90 saxfi ay u qabanayaan siminaar, waxa kale oo ay bayaamiyeen in 30 saxafiba ay shan casho u qabanayaan isla markaana ay 15 casho gudahood ugu soo dhamaynayaan 90kii saxafi, iyaga oo sheegay in ay shahaadooyin iyo abaal marino gudoon siinayaan marka ay 15 iyo tobankaa cisho soo dhamaato, runtii waxa aan aad uga qoomameeyaa in aan ka mida ahaa 90 kaa saxafi waliba aan ku jiray 30 kii saxafi ee u danbeeyay.

 

Marmarka qaaar waxaa kusoo maraya wakhti gabi ahaanba bedelaya mabda,aagii ahaa in aad hore ugu socoto wax aan loo baah nayn, waxa ay ahayd wakhti ay ku beegnayd goor sheegtu abaaro 12:40 daqiiqo markaas oo aanu kasoo baxnay siminaarka misana aanu ku guda jirnay wakhtigii qadada waxaana aanu ahayn aniga iyo 11 saxafi oo kale waxaanu isku tuur tuurnay kaftan iyo sheeko iyada oo arintu halkaa marayso ayaa waxaa su,aal nagusoo dhex tuuray mid kamida suxufiyiintii nala fadhiyay waxaana uu yidhi, bal xagaad umalaynaysaan in laga keenay lacagtan qaaliga ah ee inagu socota? Markiiba waxaa u jawaabay wiilkale oo yiri dee waa lacagtii shacabka ee iska dhuuquun nimcadaa maxaa kaa galay adiga, hadana wiil kale ayaa qaatay oo yiri bal inta ay inaga waxaaas oo lacaga inagu qarash garaynayaan maxaa ay dadka abaaruhu saameeyeen ugu deeqi waayeen? Hadana wiil kale ayaa u jawaabay oo yidhi waar wixii wax haysta ayaa wax loogu daraa ee adigu ma inteenan yar ayaad u dan leedahay,inaga waa shantan cisho oo kaliya ee iyaga maalin walba sidaas ayay xoolaha umada u daaqayaan oo nimcadaasuun u jaqayaan, halkaa marka ay maraysay Ayaan ana suaal ku dhextuuray oo aan idhi, waar horta solja maxay uga qayb qaadan wayday abaaraha? Markiiba waxaa jawaabtii boobay wiil iga soo horjeeday waxa uuna yidhi soynaga habeen iyo maalin kamaradaha la yaacayna ee abaaraha baahinayna miyaanay intaasi ka qayb qaadsho ahayn? Hadana wiil kale ayaa yiri oo anagaa hadh iyo habeen kamaradaa la yaacnee anagu ma soljaanu nahay waar taa inagaa sideena uga qayb qadanay, ee solja maxay uga qayb qaadan wayday abaaraha ururada kaleba waa kuwa ka qayb qaataye?

Inyar ayaa layara aamusay hadana wiil kale ayaa su,aal nagusoo dhex tuuray oo yidhi waar horta solja abaariiba ka qayb qaadan waydee maxay inaga inoo tartaa? Inan kale ayaa yiri dee marka layna xidho ayay inoo doodaa, qosol yar oo aanu wada jamcinay kadib hadana wiil kale ayaa yidhi horta inaga solja waxbaba inooma  tarto oo wax uun ayay inagu dul cuntaa waayo haday wax tar leedahay abaariiibay ka qayb qaadan lahayd, mid kale ayaa hadana  yiri oo miyaynaan maantaba in inagu filan ka haysanin, hadana jawaab aan soo daahin ayaa dhankale ka baxday oo tiri waar in tani maxay tahay inta ay magaceena ku cunayso ayaa ka badane, hadana aniga ayaa markale su,aal dhex dhigay oo idhi waar horta waatii laynugu lahaa barnaamij walba wakhtigii loogu tala galay ma baahisaane maxay iyagu siminaarka wakhti ku munaasiba inoogu qaban waayeen oo lacagta ay inagu qarsh garaynayaan abaaraha ugaga qayb qaadan waayeen? Wiil kale ayaa yiri dee iyaga wixii qarash garoobaya maxaa ka galay ma lacagbaa ka baxaysa iyaga,xoolihii umada ayay cunayaane.

 

Hadaba markaad sheekadaa ufiirsatid waxaa kuu baxaya in solja aanay wax raja ah ka qabin shacabkeeda tabaalaysan , balse kaliya ay teeda wadato,maalinkaana waxa aan qalinka u qaatay in aan runta usheego in aanay wax rajo ah lahayn ururka afku macaash ka ah ee solja waayo, maba ayid sana in iyaga runta loo sheegi karro.

 

Waxa,aan xasuustaa casharkii ay noo dhigayeen oo ku salaysnaa goorm ayaad baahisaan barnaamijyada? Ma baahisaan barnaamij walba wakhti la daawan karo? Waxaa nalagu qancinaayay in aanu wararka ama barnaamijyada baahino wakhti ku munaasiba oo la daawan karo, lakin iyaga ma is waydiiyeen goorma ayaad qabateeen siminaarkan? Ma wakhti ku munaasiba mise wakhti aan ku munaasib ahayn? Se miyaanay uga fiicnaan lahayn inta ay siminaar iyo wixii la hal maala qabanayaan lacag qaaliyana ku qarash garaynayaan wakhti aan loo baahnayn amaba aan munaasib ku ahayn in la qabto, in ay deeq u fidiyaan dadkan reermiyiga ah ee macluul darteed xataa xoolihiii magaalooyinka usoo daaq geeyay?

 

 

 

 

 

 

 

Wakhtigan Maaha Inaynu Toban Kun Oo Dollar Ku Qarash Garayno Siminaar,Solja Waxa Ay Cadaysay In Ay Ku Diganayso Dadka Abaaruhu Saameeyeen W/Q Maxamed Andar

Gamail: maxamedqani122@gmail.com

Facebook: maxamed andar