Sadexda Xisbi Qaran Oo Markale Isku Af-garan Waayay Arimaha Doorashooyinka Iyo Madaxweyne SIILAANYO Oo Aqbalay Inuu Xafiiska Sii Joogo
Hargeysa(AFKA);Saddexda xisbi ee Somaliland ayaa wali isku mari la' in doorashaddu wakhtigeeddii dhacdo iyo in la kordhiyo, waxaana maanta warbaahinta la hadleen iyagoo waxba ku heshiin.
Xisbiga muxaafadka ah ee KULMIYE ayaa isagu sheegay in arrimaha doorashooyinka inay dhici karaan iyo inay wakhtigeeddii dhici karaan awood u leeyihiin guddida doorashooyinka,isla markaana loo dabo fadhiisto, halka labadda xisbi mucaaradka ay doonayaan in laga wada tashaddo wakhtiga munaasibka ah ee doorashaddu dhici karo, isla markaana lagu kaliyeen guddida doorashooyinka oo qudha.
"laba Rayi ayaanu maanta (shalay) isku keenay, anagu hadii aanu xisbi xaakinkii nahay waxaanu istaagnay mawqifka ah wakhtiga doorashadda iyo ka hadalkeedda waxa inoo haya guddida doorashoyinka, iyaga qiimayn kara iyagana ku dhowaaqi kara sidaas ha la yeello, marka kaasi uun baanu u hogaansamayna waxaana leenahay ha u dayno guddida doorashooyinka ee ku shaqadda leh arrimaha doorashooyinka, qoladda kale taanu qaadanay mid ka duwan bay qaateen waana ku tixgalinaynaa waana lagu kala aragti duwanaan karaa mar haddii xisbiyo la yahay, waxaase isla ogolnahay in aanu ka wada talino wixii qaranka iyo dadkaba dan u wada ah,”ayuu yidhi Muuse Biixi oo ku hadlayey afka xisbigai xaakinka KULMIYE.
Guddoomiyaha golaha Wakiiladda ahna, musharaxa xisbiga mucaaradka ah ee WADDANI oo isna halkaasi ka hadlay ayaa yidhi "waxaynu ognahay in xaaladdu abaartu sii xumaanayso xoolihii way dhamaadeen, dadkiina xalay (Habeen hore) baanu maqlaynay inay dad u geeriyoodeen abaaraha, waxaanu doonaynaaa in boqolkiiba toddobaadkan dadkii oo maqan in kaadhadh la qaybiyo, waxaanu doonayna in dadka la badbaadiyo mar labaad laga wada tashaddo wakhtiga ku haboon ee doorashadda la qaban karo.”
Sidoo kale Faysal Cali Waraabe ayaa isna qaatay mawqif la mid ah kan xisbiga WADDANI, waxaana uu sheegay inaanay wakhtigan haboonayn in dalka doorasho ka dhacdo, waxaana uu yidhi:
"arrinta taagan arrin uu guddida doorashooyinku ka talin karaan maaha waa arrin damiirku ka talin karo, maalin beesha caalamka loo habraddo maaha, waa maalin ilaahay laga baqo iyo dadka aanu doonayno inaynu madax u noqoto, waa in la horaysiiyo badbaadda dadka, wada tashiguna wuu noo soconayaa”ayuu yidhi Faysal Cali Waraabe.
Hogaamiyaayaasha axsaabta Somaliland ayaa markii saddexaad kulan ka yeeshay qabsoomidda doorashada, hase yeeshee majiro wax go’aan ah oo ay illaa hadda isla qaateen.
Sadexda Xisbi Qaran Oo Markale Isku Af-garan Waayay Arimaha Doorashooyinka Iyo Madaxweyne SIILAANYO Oo Aqbalay Inuu Xafiiska Sii Joogo
Hargeysa(AFKA);Saddexda xisbi ee Somaliland ayaa wali isku mari la' in doorashaddu wakhtigeeddii dhacdo iyo in la kordhiyo, waxaana maanta warbaahinta la hadleen iyagoo waxba ku heshiin.