keeni kara ee sababta u ah iyo sida looga gaashaman karo abaarta soo noq-noqaysa, waxaanu ku taliyey in la sameeyo biyo xidheeno, waxaanu Xukuumadda ugu baaqay inay la xisaabtanto Hay’addaha.

Wasiirkii hore ee Wasaaradda Beeraha iyo Waxbarashada Prof: Faarax Cilmi Geedoole, oo Wargeyska Geeska Afrika wareysi gaar ah siiyey ayaa sidoo kale ka hadlay qabyaaladu halka ay marayso, Saldhiga Mitari ee Berbera iyo qodobo kale, waxaanu ugu horeyn yidhi "ILLAAHAY, baa badbaada leh oo wax badbaadiya, isaga ayeynu bariyeynaa, balse marxalad aad iyo aad u adag buu dalku marayaa, dalkana abaar xoogan baa ka jirta, marka laga soo bilaabo ilaa iyo sannadkii 2011, roobabkii dayey Gugu aad bay u yaraayeen, haddii roob yimaada roobab xoogan oo daadad wata oo Beeraha baabiya ayaa daayey, ta kale Cimiladii Adduunku wey is badashay, oo sideedaba Roobabku sidii caadiga ahayd wey ka hooseeyaan, ta kale meelaha qaar ba ilaa afar sanno rooba kamuu didin, haddii uu roob ka da’ana aad bay u yar yahay, ta kale waxa dhaba in haddii uu roob da’o in biyuhu si toos ah u galaan baddaha oo aanay jirin wax biyo xidheeno ah iyo meelo biyaha aynu ku weecino, markaas dawladdu ma odhan karo ma dadaalayso, ee intii karaankeeda ah wey dadaalaysa, oo wey ka qayb qaadaysa gurmadka abaaraha, laakiin waxa xaqiiqo ah in maanta dalka Doorasho laga qaban Karin, maxa yeelay dadkii baa dhimanaya, noloshii baana adkaatay, markaas waxa weeye in laga fikiro sidii dadka loo badbaadin lahaa ee maaha in Doorashaba laga fikiro ama la soo hadal qaado, nolosha dadka iyo badbaadooda ayaa ka muhiimsan Doorashada oo dhacda”.

Geedoole mar uu ka hadlaayey qorshaha loo baahan yahay in lagaga gaashanto abaaraha soo noqnoqdo ayaa yidhi "Waxaan soo jeedin lahaa in la hakiyo wixii mashaariic ah ee horumarin ah ee dalka ka socda, in awooda la saaro sidii dalka loogu sameeyn lahaa biyo xidheeno si loo qabto biyahan xooga ah ee ina dhaafaya iyo ceelal iyo waliba sidii dadka loo takulayn lahaa,aniguna wakhtigii aan ahaa Wasiirka Beeraha, hadafkayga kowaad wuxuu ahaa sidii aynu u qaban lahayn Biyahan ina dhaafaya, waxaana Mashruuca Baanka Afrika ka codsanaya inay arinta biyaha wax nagala qabtaan, waxayna noo sheegeen inay 12 milyan oo Dolar u hayaan Somaliland, waxayna ahayd in 12 milyan lagu sameeyo dhamaam waaweyn oo laga sameeyo Saraar, Hawd, Dadmadheedh, Lugahaya iyo dhulka xeebaha, oo 12 milyan waa lacag badan wax badan bay qaban lahayd haddii sida loogu talagalay looga faa’iidaysto haddana war kama hayo meel ay marayso lacagtaasi, waxa kale oo jiray baanka horumarinta Jarmalka, oo nala weyday sidii biyo joojin loo sameyn lahaa, oo qaatay in Naasa Hablood ilaa Bator inay biyo joojin ku sameeyeen oo iyagu ilaa iyo 23 Yuro lacag ah hayey”.

Prof: Faarax Cilmi Geedoole mar uu Xukuumadda ugu baaqayey inay la xisaabtantu Hay’addaha ayaa yidhi "Waxaan Xukuumadda ugu baaqay inay Hay’addaha la xisaabtamaan, oo aanay Hay’adduhu iska soo qaadan mashaariicda ay doonaan, ee waa inay ku ilaalisa, isla markaana ay ku yidhaahdaan waa in lacagta aad ku soo qaadanaysaan mashaariicda waa inaad ceelal noogu qodaan, oo aanay ka yeelin mashaariic kale ".

Prof: Geedoole ayaa mar uu ka hadlaayey Qabyaalada wuxuu yidhi "Qabyaaladu meel xun maaha inay inaga gaadho, ama maaha inaynu si xun u isticmaalno, waxaana soo dhaweeynayaa amar uu hore u soo saaray Taliyaha Ciidanka Boolisku, amarkaas oo ah in aan cidna laga yeeli doonin kicin iyo wax walba oo dadka kicinaya, waxaana leeyahay Somaliland waa Qarana, waana aynu wada leenahay, inaynu wada ilaashano weeye, balse kuwiina sida gaarka ah ugu soo dagaalamay haddii aad maanta qabyaalada aad soo celisaan, kuwayga kalena maxaad u maleeynaysaan, markaas waxaan ku talin lahaa qabyaalada ha la joojiyo, oo qaranimo ha lagu shaqeeyo, oo qaranimo ha lagu ololeeyo”.

Dhanka kale Prof:Faarax Cilmi Geedoole ayaa ka hadlay Saldhiga Milatari ee Imaraadka, waxaanu sheegay in Imaraadka Saldhig laga siin karo dalka, balse aanay haboonayn in iyaga kooto loogu xidho, ee Wadamada awooda leh in iyana laga siiyo, waxaanu tusaale u soo qaatay Wadanka Jabuuti, oo uu sheegay in Wadan qudhi aanu ku lahayn Saldhig balse ay yihiin Wadamo gaar ahaan Wadamada ugu awood badan Caalamka, sida Mareykanka iyo Faransiiska, waxaanu xusay haddii Wadaman Saldhig laga siiyo dalka in Ictiraafka Somaliland uu soo dhawaan lahaa, waxaanu tusaale u soo qaatay Dekadda Berbera oo uu tilmaamay in Shirkad Faransiis ahi doontay inay la wareegto, waxaanu ka xog waramay safar uu ku tagay dalka Faransiiska wakhtigii uu Wasiirka ahaa, waxaanu sheegay in Masuuliyiin badan oo ka tirsan dalka Faransiiska inay iska arkeen, waxyaabo badana ka wada hadleen, waxaanu sheegay in haddii lagu wareejin lahaa Dekadda Berbera Shirkadaas Faransiiska in dalka Faransiisku balan qaaday in Wadamadii Afrika ee uu guumaysan jiray inuu ka dhaadhicin lahaa inuu aqoonsadaan Somaliland.