Shidanaaba shidan, dad iyo dal toona taydaan ka raacay ayuu warkiisii ku soo idlaaday. Waa kaa maanta Baashe ku martay ee la shaqaysanaya.

Xirsi se waxa uu ahaa haddana yahay nin aan marnaba damiir xumayn. Waxa aan markhaati ka ahay in yarkaa soddoga loo yahay ay isku dhaceen judhiiba. Xirsi waxa kaliya oo seegtay in uu qunyar socde noqdo, oo uu ka dhawrsado in uu xisbigiisa dagaal kala hor yimaado.

Intaa kaliya ayaa karkaarka waydaarisay. Maantana ciil iyo cadho toona ma joogo, waa kaa xisbiyahanka noqday ee Waddani ilaa Cirro ka miisaan batay. Waxa aan hubaa, waa loo wada joogi e, in uu mustaqbal siyaasi ah yeelan doono halka Inna Xaashi maanta haadaanta ku dhacay.

Muxuu yidhi Gaariye AHUN:-

Shalay daallinkaan riday, dal baabu xukumayee,

qaar daaqi xoolaha, dekeddiyo madaarkii

iyo dawladnimadii, sarriftaa ka daba yimi (Gaariye, dabataxan, 1997).

Alle illahe maanta ayey si dhab ah u taagan tahay!!!

Wax kale oo dhammi dhammaade, in Xamar xaqul-qalin qadiyadda gooni-isu-taaga laga ga gado ayaa dhiman kaliya! Taa qaar ku dhiiranayaa jira.

Mohamed Hagi Mohamoud