Gabdho ka cabanaya in kuwa ka quruxbadan looga xagliyo
Shirkadda diyaaraha ee Aeroflot oo ah midda ugu wayn ee dalka Ruushka ayaa wajahaysa dacwad ay ka soo gudbiyeen qaar ka mid ah shaqaalaheeda dumarka ah oo sheegay in laga doorbiddo kuwa dhuudhuuban ee soo jiidashada leh.
Maxkamadda magaalada Moscow ayaaTalaadadii diiday sheegashada midab takoorka ee ay soo gudbisay Irina Ierusalimskaya oo ka mid ah shaqaalaha diyaaradda.
Waxay qorshaynaysaa in ay racfaan qaadato waxaana taageeray ururrada ugu sareeya ilaalinta xuquuqda aadanaha iyo waliba Boris Kravchenko oo ah masuul sare oo ka tirsan ururka shaqaalaha.
Shirkadda diyaaradaha ee Aeroflot ayaa sheegtay in halkii kiilo ee culays ah uu u keeno in ay shidaal dheeri ah isticmaasho.
Qofka raba shaqo iyo in uu adeege ka noqdo diyaaradaha shirkadda waraaqda codsiga ee uu buuxinayo waxaa looga baahan yahay in uu ku qoro culayskiisa, dhererkiisa iyo cabirka dharka uu qaato.
Shirkadda Aeroflot waxay sheegtay in ay qasab tahay in dadka shaqada soo dalbanaya ay gaaraan cabirka ugu hooseeya ee ay u baahan yihiin maadaama ay shaqaaluhu kala hagaajiyaan goobaha kore ee boorsooyinka la saarto.
Maxkamadda ayaa sidoo kale go'aan ka gaari doonta mid la mid ah dacwadda ay horay u tuurtay oo ay soo gudbisay Yevgenia Magurina oo adeegto ka ah diyaaradaha shirkadda Aeroflot.
Sarkaal ka tirsan Aeroflot ayaa maxkamadda u sheegay in shaqaalaha cayilka badan ay ku adag tahay in ay isku kala wareejiyaan gudaha diyaaradda oo ay si sahlan ugu adeegaan macaamiisha.
- Shaqaale diyaaradeed oo haweenay hawada kaga umuliyay
- Madaxweynaha Philippine: Dad aan musuq ku tuhmay ayaan diyaarad ka soo tuuray
- Diyaarad ku burburtay Melbourne oo shan ruux dishay
- Caro ka dhalatay rakaab xoog looga dajiyay diyaarad
- Shiinaha oo soo bandhigay diyaarad casri ah
- Sameecadaha dhagaha la gashado oo ku qarxay haweenay diyaarad saarnayd
Gabdho ka cabanaya in kuwa ka quruxbadan looga xagliyo
Shirkadda diyaaraha ee Aeroflot oo ah midda ugu wayn ee dalka Ruushka ayaa wajahaysa dacwad ay ka soo gudbiyeen qaar ka mid ah shaqaalaheeda dumarka ah oo sheegay in laga doorbiddo kuwa dhuudhuuban ee soo jiidashada leh.