Xarunta Daraasaadka Siyaasada Ee CPA Oo Soo Dhawaysay Magacaabida Marwo Edna Aadan Ismaaciil
Xarunta CPA waxa ay marwo Edna Aden u aragtaa inay tahay qofkii ku haboonaa xilkaas, marka laga shidaal qaato arrimahan:Xarunta ayaa warsaxaafadeed ay soo saartay waxay ku tidhi "Xarunta daraasaadka siyaasadda ee CPA (Center for policy analysis), waxa ay soo dhawaynaysaa magacaabista uu madaxweynaha Jamhuuriyadda Somaliland Axmed Maxamed Siilaanyo u magacaabay marwo Edna Aden Ismaaciil inay noqoto ergayga gaarka ah ee wada hadalada Jamhuuriyadda Somaliland iyo dawladda Somaliya.
- Marwo Edna Aden waa qof haya taariikhda Somaliland
oo bulshadana kalsooni wadareed ka haysata.
- Beesha Caalamka xidhiidh wacan la leh oo saaxiibo badan ku leh
- Waayo aragnimo iyo Aqoon fiican u leh oo u soo joogtay midnimadii hore, dawladnimadii hore, iyo burburkii dhacay iyo haatan halka dalku marayo.
Edna Aden, waxay ka mid tahay guddiga aqoonsi raadiska Jamhuuriyadda Somaliland.
Sidaas daraadeed waxa ay CPA u aragtaa Marwo Edna Aden qofkii ku haboonaa xilkaas, waxaanay balan qaadaysaa inay la shaqayn doonto wixii awoodeeda ah, Allena waxay uga baryaysaa inuu xilkaas u fududeeyo.
Xarunta Daraasaadka Siyaasada Ee CPA Oo Soo Dhawaysay Magacaabida Marwo Edna Aadan Ismaaciil
Hargeysa(AFKA):--Xarunta CPA ayaa soo dhawaysay magacaabista marwo Edna Aden Ismaaciil oo loo magacaabay inay noqoto ergayga Jamhuuriyadda Somaliland ee wada hadalada Somaliland iyo Somaliya.