Xoghayaha Guud ee Qaramada Midoobey Md Antonio Guterres ayaa dawlada

Somaliland ugu baaqay in ay damaanad qaado inaan mar kale la arag dib u dhac ku yimid doorashooyinka madaxtooyada iyo Baarlamaanka .

Xoghayaha guud ee Qaramada Midoobay oo todobaadkan warbixintiisii saddex biloodlaha ah ee Somaliland iyo Somaliya u gudbiyey golaha amaanka ee qaramada Midoobay , waxaana uu qeybta uu kaga hadalaayo Somaliland uu ku sheegay in dib u dhacii doorashooyinku ay nusqaamiyeen sumcadii iyo kalsoonidii Somaliland ee geedi u socodka dimuqraadiyada .

Isaga oo hadalkiisii sii wata lana hadlaaya dawlada Somaliland waxaa uu yidhi " waxaan ugu baaqayaa maaamulka in ay damaanad qaadan inaanay dib u dhacyo dheeraad ahi ku imanin qabashada doorashada madaxtooyada iyo baarlamaanka "

Xoghayha guud ee qaramada Midoobay waxaa kale oo uu warbixintiisa kaga Hadley hawlaha guddiga doorashadu ay gobalada dalka kaga qaybiyeen kaadhadhka cod bixinta doorashada , waxaana uu xusay hawlaha kaadh qaybinta ee gobalada Somaliland .

Dhinaca kale xoghayaha guud ee qaramada Midoobey Antonio Guterres waxaa uu soo hadal qaadey cabashada uu farmaajo ka cawdey heshiiska Somaliland iyo Dp World ee dekada Berbera

" Inkasta oo uu madaxweyne Farmaajo si rasmi ah uga cawday heshiiska Dekada Berbera ee Somaliland iyo Shirkada Imaraadka Carabta ee Dp World , hadana bishii April wafti sare oo ka socda Imaraadka carabta ayaa ka qeyb galay daahfurkii 11 May " ayuu yidhi

Xoghayaha Guud ee Qaramada Midoobey waxaa kale oo uu war bixintiisa kaga Hadley wada hadalka u socda Somaliland iyo Maamulka Khaatumo iyo sidoo kale Magacaabista Marwo Edna Aadan oo uu madaxweyne Siilanyo u magacaabey ergayga wada hadalada Somaliland iyo Somaliya

Source:- Geeska