Dibadbaxayeel halhays ka dhigtay "Gurigooda ha aadaan Nazi-gu" ayaa carqaladeeyay khudbad ay jaamacadda University of Florida ka jeedin lahaayeen qolyaha ay la wayntahay caddaannimadu.

Khudbaddii uu Richard Spencer ka jeediyay Gainesville ayaa horseeday in gafarnatooraha Florida uu ku dhawaaqo xaalad degdeg ah.

Meesha lagu qabanayo kulankan bannaankeeda waxaa istaagay booliis iyadoo boqolaal dad ah ay ku dhawaaqayaan "Spencer-roow gurigaaga aad!"

Khudbaddiisan ayaa imaanaysa labo billood ka dib markii isu soo bax ay Charlottesville ka dhigeen qolyaha midigta fog ay horseeday in ay haweenay dhimato.

Dad xoogaa ah oo taageersan Spencer ayaa waxaa ka tanbatay dadkii dibad baxayay iyaga oo ku qaylyay khudbaddii uu jeedinayay.

• Haweeney diidday in dhakhtar aan "caddaan ahayn" uu daweeyo wiilkeeda
• Gabadh caddaan ah oo loo dayriyay inay nin madaw ah jeclaatay
• Saddex caddaan ah oo 'isir nacayb' loogu dilay Maraykanka

"Guriga aadi mahayo, halkan ayaan maantoo dhan taagnaan haddaan rabo," ayuu yiri Spencer

Qaar ka mid ah dadka ayaa sii waday in ay carqaladeeyaan iyaga oo qaadaya halkudhagyo ay ka mid yihiin "Halkan lagama doonayo Nazi-yiin".

Jaamacadda ayaa sheegtay in aysan rabin in uu khudbad "qalafsan" jeediyo Spencer, balse ay u hogaansameen sharciga oo u ogolaaday.