Madaxweynaha Masar Oo Xil Ka Qaadis Ku Sameeyay Taliyeyaal Iyo Saraakiil Ciidan
Madaxweynaha Masar Abdel Fattah Al-Sisi ayaa is bedel ku sameeyay Mas’uuliyiinta Amniga, kaddib weerar gaadmo ah oo todobaadkii hore lagu laayay 55 askari ka tirsan Ciidamada Masar.
Isku shaandheyntan ayaa lagu sameeyay sabtidii 11 Saraakiisha amniga oo uu ku jiro Madaxa Amniga Qaranka NSA, sida ay shaacisay warbaahinta dowladda.
General Mohamoud Shaarawy Taliyihii hore ee NSA ayaa waxaa lagu bedelay General Mahmoud Tawfiq, sida ay daabacday jariirada Ahram.
Sidoo kale Madaxweynaha Masar ayaa magacaabay Taliyaha Ciidamada qalabka sida Gen. Mohamed Farid Hegazy , waxaana xilka laga qaaday Gen. Mohamoud Hegazy.
Is bedelkan ayaa ka dambeysay, kaddib weerarkii todobaadkii hore ka dhacay dhulka lama deegaanka ah ee Gobolka Giza, halkaasoo lagu dilay 55 askari.
Kooxda Daacish ayaa sheegatay mas’uuliyadda weerarkaas oo ka mid ahaa weeraro taxane ahaa oo muddooyinkii u dambeeyay lagu dilay boqolaal askari oo ka tirsan Ciidamada Masar.
Madaxweynaha Masar Oo Xil Ka Qaadis Ku Sameeyay Taliyeyaal Iyo Saraakiil Ciidan
Madaxweynaha Masar Oo Xil Ka Qaadis Ku Sameeyay Taliyeyaal Iyo Saraakiil Ciidan