Maxamed C/laahi Maxamed (Farmaajo), Madaxweynaha Jamhuuriyadda Somaliya iyo wefdi uu hogaaminayo, ayaa si diiran loogu soo dhaweeyay Magaalada Guriceel ee Gobolka Galgaduud.

Wefdiga Madaxweynaha oo ka amba baxay Magaalada Dhuusamareeb ee Xarunta Maamulka Galmudug, ayaa safar dhinaca dhulka ah ku tagey Magaalada Guriceel.

Dadka reer Guriceel oo u diyaargarowbay soo dhawaynta wefdiga Madaxweynaha Somaliya, ayaa si diiran ugu soo dhaweeyay magaaladooda, oo markii ugu horeysay uu booqday Madaxweynaha, tan iyo intii uu xafiiska qabtay.

Ciidamada ammaanka, ayaa xoojiyay amniga magaalada, iyadoo wadooyinka qaarkood la soo dhigay ciidamo suggida amniga ka qayb qaadanaya. Wefdiga Madaxweynaha ayaana caawa ku hooyanaya magaaladaasi.

Madaxweyne Farmaajo, ayaa lagu wadaa in Guriceel uu uga gudbo Magaalada Caabudwaaq.