Sucuudiga iyo Imaaraadka Oo ka wadahadlay sidii loo joojin laha khilaafka u dhaxeeya dagaalyahanada ay taageeraan labada dhinac ee dalka Yemen.

Sacuudi Carabiya iyo Imaaraadka Carabta ayaa ugu baaqay dagaalyahannada dawlada Yemen iyo kooxda gooni u goosadka koonfurta dalka Yemen inay diiradda saaraan dagaalada ay kula jiraan dagaalyahanada Houthiyiinta, iyagoo isku dayaya in ay soo afjaraan khilaafka u dhaxeeya labada dhinac ee magaalada Cadan.

Qolyaha gooni u goosadka koonfurta dalka Yemen oo ay taageerto dowladda Imaraatka ayaa la waregeen gacan ku heynta inta badan magaalada dekedda ee Cadan oo xarun u aheyd dowladda caalamka uu aqoonsayahay ee madaxweyne Abdrabbuh Mansour Hadi.

Dagaalyahanadan ayaa la wareegay goobo ku hareeresan aqalka madaxtooyada, inkastoo aysan gudaha u gelin dhismaha horaantii todobaadkan, ka dib markii ay isku dheceen ciidamada dawladda.

Talaabadani ayaa dhaawaci karta xiriirka u dhaxeeya Sucuudi Carabiya, oo dhaqaale iyo hub siisa dawladda Yemen, iyo Imaaradka oo si toos ah u siisa gargaar maaliyad iyo militari Golaha ku meel-gaarka ah ee Koonfur-Galbeed iyo maleshiyaadka hubaysan.

Masuuliyiinta dawladda Yemen ayaa ku eedeeyay xukuumadda Emirati inay geyso diyaaradaha dagaalka ah si ay uga caawiyaan dagaalyahannada gooni u goosadka.