Muqdisho: Dowladda Soomaaliya Oo La Wareegtay Saldhig Ciidan Oo Uu Imaaraadka Carabtu Maamulayay.
Dowladda Soomaaliya ayaa maanta si rasmi ah ula wareegtay dugsigii tababarka Jen Gordan oo ay horey u maamulayeen saraakiishii Imaaraadka ee tababarka siinayay ciidamada dowladda Soomaaliya.
Saraakiisha ciidamada xoogga dalka Soomaaliya ayaa si rasmi ah ula wareegay
ciidamadii halkaa ay ku tababarayeen Imaaaraadka iyo gadiid ka kooban 25
gadiidka Cabdi Bilaha ah oo ka mid ahaa agabkii ciidamada ee halkaa yaalay.
Abaandulaha ciidamada xoogga dalka Soomaaliya Jen Cabdullaahi Cali Caanood
ayaa sheegay in dowladdu maanta si rasmi ah ula wareegtay xerada Jen Gordan
iyo ciidamadii halkaa lagu tababarayay intaba, waxaana uu meesha saaray warar
sheegayay in la bililiqeystay xerada iyo agabkii militari ee yaalay.
‘’Saraakiishii Imaaraadka ee dugsiga maamulayay waxaa ay si buuxda ugu
wareejiyeen dugsigan ciidamada xoogga dalka Soomaaliyeed, waxaan la wareegay
dhamaanba dhismihii uu ka koobnaa dugsiga, waxaan kaloo la wareegnay gadiid
ay noogu deeqeen’’ ayuu yiri Abaandulaha ciidamada xoogga dalka Soomaaliyeed.
Muqdisho: Dowladda Soomaaliya Oo La Wareegtay Saldhig Ciidan Oo Uu Imaaraadka Carabtu Maamulayay.
Dowladda Soomaaliya ayaa maanta si rasmi ah ula wareegtay dugsigii tababarka Jen Gordan oo ay horey u maamulayeen saraakiishii Imaaraadka ee tababarka siinayay ciidamada dowladda Soomaaliya.