Wararka ayaa waxa ay sheegayaan in falka dilkan oo ka dhacay degmada Wadajir gaar ahaan agagaarka warshadii hore ee sifeynta Batroolka in ninkii dilka geysey uu isagana isdiley kadib markii uu hubsaday inay dhinteen afarta ruux ee uu rasaasta ku furay.

Illaa iyo hadda lama oga sababta ka dambeysay falkan oo ah mid ugub ku ah dalka Soomaaliya oo aan badanaa hore uga dhicin.

Sarkaal ka tirsan Maamulka degmada Wadajir ayaa saxaafada u xaqijiiyay falkan waxana uu sheegay in baaritaan ku sameyn doonaan sababta keentay falkan naxdinta leh.

Ninka la sheegay inuu falka dilka ah ka dambeeyay ayaa magaciisa lagu sheegay Cabdulqaadir Caddaan, halka dadka uu diley ay kala ahaayeen Xaawo Maxamuud Caddaan oo ah Walaashiis, C/llaahi Maxamed Yalaxow iyo Maxamed Tuur-yare oo ay ilmo adeer ahaayeen iyo Xaaskiisa oo lagu magacaabi jirey Xaliimo Xuseen Cali Kowshe.