Madaxwaynaha Somaliland Mudane.Axmed Siilaanyo Waxaa Uu dhaqan-geliyey xeerka Aasaasidda Guddida Hoggaaminta Diiwaan-gelinta Muwaadinka iyo Guddi Hawleedkeeda.
Date: - 03/ March /2014
WAR-SAXAAFADEED
Madaxweynaha Jamhuuriyada Somaliland, Mudane,Axmed Maxamed Silaanyo waxa uu Xeer Madaxweyne oo summadiisu tahayJSL/M/XERM/249-2296/032014, ku dhaqan-geliyey xeerka Aasaasidda Guddida Hoggaaminta Diiwaan-gelinta Muwaadinka iyo Guddi Hawleedkeeda.
MADAXWEYNUHU:-
Markuu Arkay: Qodobka 90aad iyo Qodobka 94aad ee Dastuurka Jamhuuriyadda Somaliland;
Markuu Arkay: Qodobka 3aad ee Xeerka Jinsiyadda, Xeer Lr. 22/2002 oo waajibinaya in muwaadiniintu helaan aqoonsiga muwaadinimo;
Markuu Tixgeliyay:Siyaasadda Golaha Wasiirradu ansixiyeen ee ay ku go’aamiyeen in la sameeyo Diiwaangelinta muwaadinka;
Markuu Arkay: Baahida loo qabo in la helo Diiwaangelinta muwaadinka oo laga sameeyo Dalka oo dhan si loo helo xog sugan;
Markuu Yaqiinsaday: In Diiwaangelinta Muwaadinka ay udub-dhexaad u tahay isla markaana fudaydinayso in la helo diiwaangelinta codbixiyaha oo u gogol xaadhaysa in la helo doorasho xor oo xalaal ah;
Markuu Xaqiiqsaday: In ay tahay daruuri in la sugo muwaadiniinta reer Somaliland si loo xaqiijiyo in ay codeeyaan muwaadiniinta oo keliya;
Markuu Garwaaqsaday: In la dardar-geliyo loona qabto hawsha Diiwaangelinta Muwaadinka si dhaqso ah;
Isagoo Maanka ku Haya:Ahmiyadda doorashooyinku ku leeyihiin Qaranka iyo sidii ay u dhici lahayd doorasho xor oo xalaal ah;
Wuxuu halkan ku soo Saaray Xeerkan;
Qodobka 1aad
Aasaaska Guddida Hogaaminta Diiwaangelinta Muwaadinka
Waxaa Xeerkan lagu aasaasay Guddiyada soo socda:
Guddida Hogaaminta Diiwaangelinta Muwaadinka (Steering Committee) oo ka kooban:
Qodobka 2aad
Ujeeddada Guddida Hogaaminta Diiwaangelinta Muwaadinka
Ujeeddada Guddida Hogaamintu waa hogaaminta iyo ka midho dhalinta habka diiwaangelinta muwaadinka.
Qodobka 3aad
Xilka iyo Waajibaadka Guddida Hogaaminta Diiwaangelinta Muwaadinka
Xilka iyo waajibaadka Guddida Hogaamintu waa:
Qodobka 4aad
Aasaaska Guddi Hawleedka Diiwaangelinta Muwaadinka
Guddi Hawleedka Diiwaangelinta Muwaadinka (Task Force) oo ka kooban:
Qodobka 5aad
Ujeeddada Guddi Hawleedka
Ujeeddada Guddi Hawleedku waa meel marinta siyaasada iyo ka midho dhalinta qorshayaasha Guddida Hogaaminta.
Qodobka 6aad
Xilka iyo Waajibaadka Guddi Hawleedka
Xilka iyo waajibaadka Guddi Hawleedku waa:
Qodobka 7aad
Xarunta Guddiyada
Labada Guddi waxay ku hawlgalayaan Xarunta Wasaaradda Arrimaha Gudaha oo udub-dhaxaad u ah hawsha diiwaangelinta.
Qodobka 8aad
Dhawridda Xilliga iyo Nidaamka
Guddiyada waxaa la farayaa in hawsha lagu qabto wakhtiga loo qorsheeyey lana raaco Nidaamka Guddida Qandaraasyada Qaranka iyadoo la dhawrayo hanaanka iyo habsami u socodka shaqada.
ALLAA MAHAD LEH
Axmed Saleebaan Maxamed (Dhuxul)
Af-hayeenka Madaxtooyada JSL.
Madaxwaynaha Somaliland Mudane.Axmed Siilaanyo Waxaa Uu dhaqan-geliyey xeerka Aasaasidda Guddida Hoggaaminta Diiwaan-gelinta Muwaadinka iyo Guddi Hawleedkeeda.
Madaxwaynaha Somaliland Mudane.Axmed Siilaanyo Waxaa Uu dhaqan-geliyey xeerka Aasaasidda Guddida Hoggaaminta Diiwaan-gelinta Muwaadinka iyo Guddi Hawleedkeeda.