TAHRIIBKII GUUR BAA BADALAY!!!!
0 - Visits: 1296
-
- Share
Maanta diirada waxaynu saari doona,hal ku dhiga ah tahriibkii waxaa badalay guur.
Sanadihii u denbayeye waxaa dhagayhaga ku badanyeye,dhuuxii wadanka oo badaha isku guraya,si ay nolol u sameystaan,tan ay haatan ku noolyihiina ay uga baxaan,iyo dhuuxii wadanka oo aad u xiisaynayaa sidii ay mar uun u caga dhigi lahaayeen wadamada horumarka ay aabayaashood u sameeyeyen ee yurub.
Hadaba Da’yarta Aqoonyahanka ah iyo inta aqliga la saaxiibka ahiba, waxay ogadeen xaqiiqda yurub taala iyo tusaalayaal cad cad oo wadanka ugu yimid,iyaga oo indhahooda ku arkay Da’yar fara badan oo wadanka loo keenay dhaqan celin,iyo si ay u soo bartaan baladkooda hooyo,inta badan Da’yarta yurub joogata inyar mooyaanee aanaya intooda badan ka faa,iideysan jaaniska waxbarsho ee halkaa yaala,in badan oo dhuuxaasi
ka mid ahina ay ku jiraan jeelasha wadamadaasi,iyaga oo lagu qabto falal foolxun oo anshaxa iyo dhaqanka somalida aan hore looga baran iyo iyagoo suuqyada madow ku jira,waxaynu odhan karnaa waxay ka dhaxleen burburkii wadankii la isku odhan jirey Somalia,intii ka denbaysay 1988kii,
Si kastaba arrinku ha ahaadee,Da’yarta reer Somaliland waxay tahriibkii ku badaleen guur xalaal ah,iyada geediga noloshu yahay lamaane,lameene markuu imaadana ay noloshu kaamil noqonayso,ama ay dhameystirmayso.
Hadaba mudooyinkii u denbayeye waxaa dhagehaygaa ku yaraadey,DOON BAA KU QARQOONTAY BADA U DHEXEYSA LIIBIYA IYO TALYAANIGA,WAXAANA DHAGAHAYGA KU BATAYA DA’YAR AAD U GUURSANAYSA,oo fahmay ujeedada dhabta ah ee guurka.
Aqoonyahanka Da,yar baana u badan oo is calmaday ,oo aaminay dalkooda hooyo.
Waxaan maqaalkan haleelka ah ku soo afmeerayaa,dhuxii dalka oo fahmay qiimaha uu dalku u leeyahay iyo sida aanay meel kale oo wadankooda ahayn aanay ugu damaashaadi Karin ,
TAHRIIBKII GUUR BAA BADALAY!!!.waxaan ku soo gunaanadayaa gabaygaa.
Gabaygan waxa tirshay Axmed Maxammed Cabdalle, wuxuu ku laqimayaa astaamaha gabadha habboon ee guur loola hollan karo, dhana waa amaan ku aadan gabdhaha soomaaliyeed , wuxuu yidhi:
Dumarku waxay ku roon yihiin inay damac lahaadaane
Waa inaanay da’weynayn middaad guur u dayataaye
Dabci waa inay leedahoo waana dabartaaye
Waa inay dulqaad badan tahoo daacad kuu tahaye
Deriskeeda waa inay xaqdhawr ugu dedaashaaye
Doorkaad wax fari waa inaan lagu dadduucayne
Waa inaanay ehelka u darrayn duul xigaala ahe
Waa inaanay ubadkana dayicin dhab u daryeeshaaye
Waa inaanay kaa dudin markaad yare is diiddaane
Waa inaanay xidid kaa dacweyn doodna kuu qabine
Waa inaanay kaa digin markaad duullimaad tahaye
Waa inaanay debed meerinoo kaa dan badisaaye
Waa inaanay dibindaabyo iyo duudmarka aqoone
Waa inay dareen lexejecliyo doojin leedahaye
Waa inay diyaafadin xarrago dookh u leedahaye
Waa inay darmaan gaariyoo daran ahaataaye
Duhur iyo habeen waa inay kuu diyaar tahaye
Waa inay gacalo diirranoo debecsanaataaye
Waa inay sidii daawad geel kugu dul reentaaye
Waa inay ku deeqsiin kartaa waxadan doonayne
Waa inay doc haasaawin iyo duluc lahaataaye
Aqalkay dugsido waa inuun lagu dangiigaaye
Waa inuu ku daaraa udgoon deyrka ka horowe’
Derinteeda waa inaad tebtaa sida dalxiiskiiye
Dar ilaahay waa inaad qalbiga uga ducaysaaye.
Qalinkii…AbdirisAZ Ahmed Jama
Email.alyoos87@hotmail.co.uk
Mobile.063-4113511 ama 91130031
ALLAH MAHAD LEH
TAHRIIBKII GUUR BAA BADALAY!!!!
Maanta diirada waxaynu saari doona,hal ku dhiga ah tahriibkii waxaa badalay guur.