ayaa guddoomay deeq lacageed oo ay soo direen laba hablood oo ka mid ah jaaliyadda reer Somaliland ee ku dhaqan Magaalada Cardif ee cariga Ingiriiska.

Labadan Hablood Magacyadoodu kala yihiin Aamin Cali iyo Caasha Xasan isla-markaana ka mid ah ururka haweenka GOBAAD, wejigii horena si weyn uga qayb-qaatay ayaa waxay soo direen deeq lacageed oo dhan $ 10,933 (Toban Kun, Sagaal Boqol iyo saddex iyo Soddon) Doollar.

Deeqdan lacagta ah ayaa waxa guddida dhismaha jidka Dawga-cad ku wareejisay Marwo Xaliimo Cali Muuse oo ay hablahaasi ku soo hagaajiyeen lacagtan deeqda ah.

Xaliimo Cali Muuse, oo markii ay guddida dhismaha jidkaasi ku wareejisay lacagta hadashay ayaa faahfaahisay lacagtan deeqda ee ay soo direen Alle khayr haka siiyee labadan hablood, waxayna tidhi "Waxa i soo gaadhay lacag ay soo direen hablihii Cardif (Ingiriiska), kuwaasi oo kala ah Aamin Cali iyo Caasha Xasan, lacagtaasi oo dhan $ 10,933 (Toban Kun, Sagaal Boqol iyo saddex iyo Soddon Doollar), waxaanan ku wareejiyey guddida dhismaha jidka Dawga-cad, waana hablihii qaybtii hore ka qayb-qaatay ee ugu lacagta badnaa, maantana qaybtii labaad ayay ka soo qayb-qaateen, rejo weynna waxay ku qabaan inay qaybta saddexaad-na ka soo qayb-gali doonaan”

Marwo Xaliimo Cali Muuse, waxay ku baaqday in laga qayb-qaato dhismaha jidka Dawga-cad "Hablaheenna iyo raggeena oo dhan meel kasta oo ay joogaan gacan waa looga baahan yahay, hawshana in badan ayaynu wadnay, imikana meeshii ugu wanaagsanayd ayuu sii marayaa”