Shilalka gaadiidka ayaa ku soo badanaya jidka laamiga ah ee Isku xidhiidhiya magaalooyinka Hargeysa ilaa Wajaale ee gobolka gabiley ee Jamhuuriyadda iskeed ugu dhawaaqday madax bannaanida ee Somaliland.

Waxaa ugu dambaysay shalay oo shil baabuur ay ku dhinteen ilaa afar ruux iyadoo lix kalena ay dhaawacyo halis ahi soo gaareen.

Haddaba maxaa sababa shilalkan gaadiidka? Su'aashaas iyo kuwa kale ayaa waxaannu hordhignay gudoomiyaha gobolka Gabiley, Maxamed Cismaan Xaaji Axmed Indhabalac, oo u warramay weriyaha BBC-da Cabdulxaafid Cawil Ismaaciil.