War Deg Deg Ah:-Turkiga Oo Soo Bandhigay Codad Iyo Muuqaalo Ku Saabsan Dilka Suxufi Jamaal Khashoggi.
Codka iyo muuqaalka ayaa muujinaya in Khashoggi lagu xidhay qunsuliyadda labadii October kadib markii uu galay, la jir dilay kadibna la dilay oo jirkiisa la jarjaray, sida ay saraakiil Mareykan iyo Turkish ah u sheegeen wargeyska.
Saraakiishan oo aan la magacaabin ayaa sheegay in codka la hayo uu muujinayo caddeymo aad looga naxo oo ku saabsan xaaladda Khashoggi, sida Washington Post ay tidhi
Warbixinta waxa ay sheegtay inaysan caddeyn haddii saraakiisha Mareykanka ay arkeen ama maqleen muqaalka iyo codka, hase yeeshee saraakiisha Turkiga ayaa kuwa Mareykanka la wadaagay inay hayaan.
Madaxweynaha Mareykanka Donald Trump ayaa khamiistii sheegay in baadhayaal Mareykan ah ay joogaan Turkiga, ayaga oo isku dayaya inay go’aan ka gaadhaan waxa ku dhacay Khashoggi.
"Qunsuliyadda ayuu galay, kamana soo bixin” ayuu Trump u sheegay barnaamijka Fox and Friends ee taleefishinka Fox News. "Uma muuqato in ninkaas uu hadda nool yahay” ayuu raaciyey.
Saraakiisha Turkiga ayaa sheegay inay rumeysan yihiin in Khashoggi oo aad u dhaliili jiray dhaxal-sugaha Sacuudiga Mohamed Bin Salman ay toddobaadkii tegay dileen koox ka kooban 15 nin oo Istanbul yimid, eedeymahaas oo Sacuudiga ay beeniyeen.
War Deg Deg Ah:-Turkiga Oo Soo Bandhigay Codad Iyo Muuqaalo Ku Saabsan Dilka Suxufi Jamaal Khashoggi.
War Deg Deg Ah:-Turkiga Oo Soo Bandhigay Codad Iyo Muuqaalo Ku Saabsan Dilka Suxufi Jamaal Khashoggi.