War Deg Deg Ah:-Dabad Baxayo Hada Ka Socoda Magaalada Baydhab Iyo Arimaha Lagaga Horjeeday.
Booliiska magaalada Baydhabo ee xarunta KMG u ah maamulka Koonfur Galbeed ayaa kala eryay dad shacab ah oo dibadbax ka dhigayay magaalada kuwaa oo taageero u muujinayay mid ka mid ah musharixiinta xilka madaxweynaha Koonfur Galbeed,
Wararka ayaa sheegaya in banaan baxyadan ay yihiin kuwo laga abaabulay deegaanada Koofur Galbeed, kaasoo ujeedkiisa yahay sidii Xildhibaanada Koofur Galbeed culeys loogu saari lahaa inay doortaan Mukhtaar Roobow Cali Abuu Mansuur.
Taliska Booliska Gobolka Baay ayaa soo saaray awaamiir ka dhan ah dadka dibad baxyada ku dhigaya magaalada, waxaana ay uga digeen shacabka inay qabtaan banaan bax aanay fasax u heysan.
Rooboow waxaa uu ka mid ahaa aas-aasayaashii Ururka Al-shabaab isaga oo soo noqday ku-xigeenka amiirka ugu sareeya Ururka, dhawaanna dowladda Soomaaliya waxaa ay ka joojisay in uu doorashada ka qeyb-qaato, laakiin hadda wali waa musharax isaga oo helay shahaadada guddiga doorashada ee musharxnimo.
War Deg Deg Ah:-Dabad Baxayo Hada Ka Socoda Magaalada Baydhab Iyo Arimaha Lagaga Horjeeday.
War Deg Deg Ah:-Dabad Baxayo Hada Ka Socoda Magaalada Baydhab Iyo Arimaha Lagaga Horjeeday.