Ra'iisal wasaare Kheyre oo xalay booqday dadkii ku dhaawacmay Qaraxyadii Muqdisho
Ra’iisal wasaaraha Xukuumadda Federaalka Soomaaliya Xassan Cali Khayre oo ay wehliyaan mas’uuliyiin kale ayaa xalay saqdii dhexe wuxuu booqday qaar kamid ah isbitaaladii la dhigay dadkii ku dhaawacmay qaraxyadii kooxaha argagixisadu ay shalay ku laayeen dadka shacabka ah.
Ra’iisaul wasaaraha ayaa bukaanada si toos ah ula wadaagayay dareenkiisa,isagoo mid mid u xog wareysanayay, halka kuwa aan xaaladoodi ka sheekeyn karina uu ka xog wareysanayay eheladooda iyo dhaqaatiirka isbitaaladaasi.
Wuxuu Alle uga baryay in uu caafimaad siiyo dhaawacyada,isagoo umadda Soomaaliyeedna uga tacsiyadeeyey dadkii kale oo ku dhintay qaraxyadaasi.
Wasiir kuxigeenka Wasaaradda Gargaarka iyo Maareynta musiibooyinka xukuumadda Soomaaliya C/rashiid Maxamuud oo kab mid ahaa mas’uuliyiintii wehlisay ra'iisal wasaaraha ayaa ka hadlay kormeerkoda iyo waxyaabihii ay la kulmeen.
"Waxaan soo marnay isbitaalada Madiina iyo Digfer marka shacabka waxaaan u sheegayna in ra'iisul wasaaraha uu u taagan yahay in uu u shaqeeyo shacabka, waxaa taasi daliil u ah in xili dambe oo habeen ah uu socdo oo idinka warqabo,yaan la niyad jebin dalka wuu hagaagidoonaa,waan ka adkaan doonaa kooxahaasi,gacmo wdajir bay wax ku gooyaan ha la isku duubnaado,marka Soomaaliya waxaan u rajeynayaa guul iyo gobanimo.
Labo qarax oo loo adeeg-saday gawaari ayaa shalay Al-shabaab waxaa ay ku qaadeen magaalada Muqdisho, waxaana qaraxyadaa ku dhintay dad ka badan 27 ruux.
Ra'iisal wasaare Kheyre oo xalay booqday dadkii ku dhaawacmay Qaraxyadii Muqdisho
Ra'iisal wasaare Kheyre oo xalay booqday dadkii ku dhaawacmay Qaraxyadii Muqdisho