Al-shabaab oo xalay weerar culus ku qaaday deegaanka Bariire ee gobolka Sh Hoose+Khasaraha Ka DHashay.
0 - Visits: 418
-
- Share
Xoogagga Al-shabaab ayaa lagu waramayaa in xalay weerar culus oo dhowr jiho ah ku qaadeen deegaanka Bariire ee ka tirsan degmada Awdheegle ee gobolka Shabeellaha hoose oo maalmo ka hor ay la wareegeen ciidamada Soomaaliya.
Saraakiil dowladda ayaa sheegay in weerarkaasi ahaa isku day Al-shabaab ay ku doonayeen in ay dib ula wareegaan deegaanka hasse ahaatee iska cabin weyn kala kulmeen ciidamada DANAD ee gacanta ku haya halka lagu dagaalamay.
Dadka deegaanka ayaa sheegaya in labada dhinac ay xalay saqdii dhexe isu adeegsadeen madaafiic culus.
Deegaanka Bariire ayaa dhowr jeer oo hore waxaa gacan ku heyntiisa isku badbadalay ciidamada dowladda Soomaaliya iyo dagaalamayaasha Al-shabaab, waana halka ugu badan oo ay ku dagaalamaan labada dhinac
Wararkii ugu dambeeyey ee saakay naga soo gaaraya deegaanka Bariire ayaa waxaa ay sheegayaan in ciidamada Dowladda ay wadaan dhaq dhaqaaqyo ciidan oo ay ku baadi goobayaan xubnaha ka tirsan Al-shabaab ee xalay weerarka ku soo qaaday.
Al-shabaab oo xalay weerar culus ku qaaday deegaanka Bariire ee gobolka Sh Hoose+Khasaraha Ka DHashay.
Al-shabaab oo xalay weerar culus ku qaaday deegaanka Bariire ee gobolka Sh Hoose+Khasaraha Ka DHashay.