Taliyaha Ciidamada Booliska Somaliland oo u Digay Dad uu sheegay Inay Magaciisa Facebookga ku isticmaalan, Caddeyeyna inaanu Facebook isticmaalin
0 - Visits: 726
-
- Share
Taliyaha Ciidaanka Booliska Somaliland Sareeya Guuto Cabdilaahi Fadal Iimaan ayaa shaaciyay inaanu lahayn FACEBOOK uu isticmaalo, isla markaana ay jiraan dad magaciisa ku isticmaala Facebook-ga.
Taliye Fadal waxa uu sidaa ku sheegay mar uu caawa la soo xidhiidhay Shabakada Wararka ee Hayaannews.com, Waxaanu la socodsiiyay shacabka reer Somaliland iyo cidd-kasta oo isticmaasha Facebook-ga inay sidaa ula socdaan oo ay uga war-hayaan:
"Facebook aan leeyahay oo aan isticmaala habayaraate ma jiro, sidaa daradeed,waxaan u sheegayaa shacabka reer Somaliland inay sidaa ula socdaan oo ay uga war-hayaan.”Ayuu yidhi Taliye Cabdilaahi Fadal
Mar uu Taliye Fadal la hadlayay cidda magaciisa sida been abuurka ah ugu isticmaasha Facebook-ga waxa uu yidhi "Waxa jira in magacayga Facebook-ga lagu isticmaalo oo cidda isticmaasha aanan garanayn, Sidaa daradeed waxaan u sheegayaa Cidda magacayga ku isticmaasha facebook-ga waa inay joojiyaan oo ay ka waan toobaan been abuurkaa ay sameeyeen”. ayu yidhi
Taliyaha Ciidamada Booliska Somaliland oo u Digay Dad uu sheegay Inay Magaciisa Facebookga ku isticmaalan, Caddeyeyna inaanu Facebook isticmaalin
"FACEBOOK Aan Leeyahay Oo Aan Isticmaala Haba-yaraate Ma Jiro, Cidda Magacayga Ku Isticmaashaana Waxaan Leeyahay….." Taliye Cabdilaahi Fadal