"Hadalkii Xubnaha KULMIYE Shacabku Waxay Ka Sugayaan Jawaab"
"Hadalkii Xubnaha KULMIYE Shacabku Waxay Ka Sugayaan Jawaab" Siyaasi Mustafe Cabdi Shiine oo ka tirsan Xisbiga mucaaradka ah ee WADDANI isla
markaana xilal badhasaabnimo kasoo qabtay xukuumaddii Silaanyo ayaa sheegay in shacabka Somaliland
jawaab ka sugayaan hogaanka KULMIYE taas oo ku aaddan dhaliilihii cuslaa ee saddexda siyaasi ee kala ah
Maxamuud Xaashi Cabdi, Maxamed Qabo iyo Maxamed Dhimbiil ay u jeediyeen Madaxweynaha Somaliland.
"Shirkii jaraa'id ee shalay ay qabteen 3dii siyaasi ee KULMIYE ka tirsanaa wuxuu ahaa kii ugu adkaa ee
indhawayd lagu dhaliilo xukuumadda, gaar ahaan madaxweynaha.
Eedihii cuslaa ee ka soo burqanaayay raggaasi, gaar ahaan wasiirkii madaxtooyada ee xukuumaaddii xilka ku
wareejisay waxay ahaayeen kuwo sii naaxinaaya xanta dadka aan ladhacsanayn hogaaminta madaxweynaha ay
fidiyaan.
Dhanka kale hadalkani wuxuu noqonayaa mid ku riixa in dad badan oo ay ka dagi la'ayd ay ku liqaan.
Wasiir hore Maxamuud Xaashi waxa uu soo ururiyay mashaariic badan oo u muuday marka hadalkiisa la eego
inuu xog-ogaal ka yahay dhamaantoodna uu ka dhigay kuwo lagu fashilmay.
Sidoo kale waxa hadal Maxamuud ku jiray qaybo uu aad ugu talax tagay habdhaqanka madaxweynaha dalka oo
isugu jiray kuwo ku salaysan dabeecada Mudane Muuse Biixi iyo himiladaasi u gaarka ah sida maal urursiga
oo kale.
Sida la ogyahay waxa bini'aadamku ku nool yahay waa sumcada uu qofku lee yahay, waxana kaba sii xag jira
tan hogaamiyayaasha, sidaa daraadeed waxaan shaqsiyan qabaa in ay maanta Madaxweyne Muuse Biixi u taalo
inuu si toosa shacabkiisa uga jaahil saaro dhaliilahaa dhumucda leh ee ka yimid siyaasiyiinta weli ka tirsan
xisbigiisa ee daarada ka soo shiidaaya ama ugu yaraan uu ka fogeeyo qof ka tirsan xafiiskiisa oo ku hadli kara
afkiisa.
Si kastaba xaalku ha noqdee waxa aamusnaanta madaxtooyadu u ekaan doontaa aragtidayda gaaban in aanay
hayn wax ay kaga jawaabaan arrinkaasi"
"Hadalkii Xubnaha KULMIYE Shacabku Waxay Ka Sugayaan Jawaab"
"Hadalkii Xubnaha KULMIYE Shacabku Waxay Ka Sugayaan Jawaab"