Guddiga doorashooyinka'' Dowlad Gobolleedyada waa in ay bilaabaan diiwaangalinta musharixiinta Aqalka Sare
Guddiga Doorashooyinka Heer Federaal ayaa ugu baaqay madaxda Dowlad Gobolleedyada dalka in ay bilaabaan diiwaangalinta musharixiinta ku tartameysa Golaha Aqalka sare.
Qooraal ka soo baxay guddiga ayaa looga codsaday Dowlad Gobolleedyada fududeynta howlaha doorashada si ay u dhacdo doorasho hufan oo waqtigeeda timaada.
Guddiga ayaa soo saaray foomka musharixiinta doonaya in ay ka qeybgalaan ama u tartamaa Golaha Aqalka ee Soomaaliya
Qoraalka ka soo baxay guddiga doorashada ayaa u dhignaa sidda
Guddiga ayaa sidoo kale ka codsaday Dowlad Goboleedyada in ay si rasmi ah u bilaabaan diwaangalinta iyo qabashada araajida musharixiinta Golaha Aqalka Sare.
Guddiga wuxuu garawsan yahay baaxadda howsha hortaala iyo waajibaadka loo igmaday, wuxuu ku boorriyey mas’uuliyiinta Dowlad Goboleedyada in ay qaataan doorkooda kaga aaddan fulinta hawlaha doorashooyinka iyo in ay guddiyada iyo shacabka Soomaaliyeed kala shaqeyaan sidii ay doorashooyinka u guuleysan lahaayeen, una noqon lahaayeen kuwo daah furan oo xor iyo xalaal ah.
Guddiga Hirgelinta Doorashooyinka Heer Federaal waxay markale adkaynayaan in Madaxda iyo Barlamaannada Dowlad Goboleedyada ay kaalintooda ka qaataan sidii ay doorashadu ugu qabsoomi lahayd xiligeeda.
Guddiga doorashooyinka'' Dowlad Gobolleedyada waa in ay bilaabaan diiwaangalinta musharixiinta Aqalka Sare
Guddiga doorashooyinka'' Dowlad Gobolleedyada waa in ay bilaabaan diiwaangalinta musharixiinta Aqalka Sare