Ismariwaa wali ka taagan kulamada madaxda dowlad gobolleedyada
Waxaa soo ifbaxaya khilaaf cusub oo hareeyay kulamadii ugu danbeeyay ee u dhaxeeya madaxda dowlad gobolleedyada si xal kama danbeys ah looga gaaro ismariwaaga doorasho.
Sidoo kale doodda ugu culus ayaa ka jirta ajandaha shirka, amniga goobta kulanka lagu qabanayo iyo awoodaha madaxweynaha ee hoggaaminta shirka.
Laakiin dalabkan madaxweynayaasha dowlad gobolleedyada Puntland iyo Jubbaland ayaa lagu waramayaa in aysan ku qancin madaxweynayaasha dowlad gobolleedyada kale Galmudug, Koonfur Galbeed iyo Hirshabeelle oo qaba in kulamada doorashadu noqdaan kuwo u dhaxeeya oo kaliya Madaxda Federaalka, Dowlad gobolleedyada iyo Gobolka Banaadir.
Kulamadan oo waayadii ugu danbeeyayba ka socday xerada Xalane ee magaalada Muqdisho ayaan ilaa iyo hadda wax natiijo ah ka soo bixin, inkastoo wakiilada beesha caalamka rajo ka muujinayaan in ugu danbeyntii leysku afgaran doono qabashada shirweyne looga hadlayo hannaan leysku waafaqsan yahay oo lagu wajahayo doorashada Soomaaliya oo siweyn uu dib u dhac ugu yimid.
Ismariwaa wali ka taagan kulamada madaxda dowlad gobolleedyada
Ismariwaa wali ka taagan kulamada madaxda dowlad gobolleedyada