Waddankeena somaliland 78.6% dadku waa shaqo la,aan, sidoo kale waddankeena 92% waxa buux dhamaan khayraadkii, macdantii dhulkii, baddihii , beerihii ,
Khayraadkaasna waa aynu ka gaajoonaynaa , waynu ka shaqo la, nahay, wershadeenii sibidhku waa ay iska xidhan tahay, sibidhka ugu baddanina wuxuu inooga yimaaddaa ethopia iyo cumaan, ayaan daro ka wayni ma jirto arintaas, haddii la doonayo in la maalgaliyo oo kiciyo wershada sibidhka ee Berbera cement share ayay dawladu iibin lahayd, iyadaana hir galin lahayd, qofkasta waxa laga iibin lahaa share si muwaadiniintu waddankooda u maalgashadaan, dakhliga shareka ka soo xaroodana waxa lagu dhisi laha wershada sibidhka , waa haddii aan loo haynin dhaqaale laga dhiso, haddii kale shirkaddo caalamiya ayaa iyana laga kirayn lahaa, ama ganacstada waddanka ayaaba lagu dhiiri galin lahaa inay dhistaan, way jiraan shirkado iyo ganacsato soo bandhigtay inay dib u dhis ku sameeyaan warshada sibidhka Hargeisa se may u suuroobin.
Haddaba Caalamkan aynu joogno cidkastoo ku nool iyagaa shaqada abuurta , mana soo degto, Adduunka shaqada taala yaa abuuray ? miyaa loogu yimid,mise waa dadaal ay sameeyaan dad aqoon iyo karti leh , waa dad inala mid ah , oo inala maskaxa oo inala awooda oo inala wakhti ah, bal halkaa ka yara fikira.
Waddamada yurub taariikhdooda haddaad raadisid waxa loo dhiman jiray gaajo, halka somalida taariikhdooda caanaha la qubi jiray hilibkana joog laga buuxsan jiray.
Waa ceeb in la idhaa waddanka shaqo ma taalo , horta ha la aamino , oo ha la fikiro, oo si saxa ha loo tooso.
Caddaalada haddii la ilaaliyo shaqo lama waayayo , maxaa yeelay qofkastaa iyo shirkad kastaa meeshay doonto ayay ka shaqo galaysaa, se maanta waxa la odhanayaa halkaa umaad dhalan , waxna kama qaban kartid, taasi waa qabyaalad iyo caddaalad daro qaawan iyo wuxuu waddanku u wada dhismi la yahay.
Shaqo waa mid aan lahayn , midab, qabiil, waddan, diin, se loo eegayo aqoonta, waayo aragnimda iyo diinta kolba sidii loo shaqaynayo iyo cidda lala shaqaynayo.
Waddankeena ha laga shaqaysto, ha loo shaqeeyo, hana loo soo noqdo, daacadna ha loo noqdo.
Ta kale Ganacsiyaddii waddanka waxa maamulaya dad waaweyn, aabayaal ama hooyooyin ah , siyaasadiina waxa hagaya dad waaweyn , meesha waxa ka maqan doorkii dhalinyarada iyo waxqabadkoodii.
SHaqo la,aantu laba mid ayay ka timaaddaa
1: DAWLADA OO AAN SHAQO ABUUR IYO DHIIRI GALIN MID AAN SAMAYN
2: DADKA WADDANKA U DHASHAY OO AAN AQOONTII WADDANKU U BAAHNAA LAHAYN.
Haddii dawladu shaqo abuur samayso waa la yarayn karaa shaqo la,aanta waddanka ka taagan, iyadoo laga faa,ideysanayo hirgalinta wershadaha iyo beeraha sidoo kalana ganacsatada lagu dhiiri galinayo ka qayb qaadashada waxsoosaarka waddanku u baahan yahay.
sidoo kale haddii dadka waddanka joogaa ay bartaan shaqada waddanku baahan yahay , shaqo la,aantu way yaraan doontaa, haddii dadkeenu bartaan shaqooyinka waddanku u baahan yahay oo la shaqaynaysa technologiyada casriga ah waxa yaraan doonta heerka shaqo la,aanta ee waddanka ka taagan .
Dadkeenu maanta waxay barteen aqoon isku wadda mida, waana wadda bilaa camal oo shaqo ma wada hayaan, waxay barteen aqoon mar hore laga baxay , way yar yihiin inta shaqo heshaa intaasina waxay ku heleen jaanis aqoontooda ah oo ay dadaal iyo dayday ku dareen.
Waxaaan ku soo gaba-gabaynayaa maqaalkaygan waxbarshada waddanka ha laga dhigo mid ku xidhan baahida iyo shaqooyinka waddanka yaala.
Sidoo kale qof kastaa ha aamino in waddanku shaqo taalo, se ay inagu adag tahay sidii loola fahmi lahaa taasina waa mid u baahan in loo samro oo loo dulqaato, inta la fahmayo , waxaan aamin san ahay qofku haddii uu fahmo ciriqa iyo sirta shaqada inaanu waligii bilaa shaqo ahaanayn.
Dhalinyaradda bilaa camalka ah waxaan leeyahay, ha loo dulqaado shaqo la,aanta la sheegayo , adigu ku dar , dadaal, karti, daacadnimo, aqoon iyo samir joogtaa sidoo kale adigu samee shaqo, shaqada aad samaysidna waxaad ka heli doontaa faa,ido ama khasaare ,hadaad faa,idid DHEH ALXAMDULILAH , haddii aad khasaartidna waa cilmi iyo waayo aragnimo aad barataye DHEH ALXAMDULILAH.
WADDANKA WAA UU BUUXAA DHALINTUNA WAA AY HAYSAA MASKAX TA KALIYA EE DHIMAN WAA IN WADDANKII LA AAMINO, OOLOO SAMRO LOONA SOO NOQDO.
MAHADSANIDIIN.
Contact
Farhan Mohamed Sultan Nur (Rakad)
Mobile: 063-4400319
Post number RP 186 Article
Social Activists’ BERBERA
ADEEGE U ADEEGA DADKA IYO DALKABA.
0 
Shaqo la'aan mise shaqaysi la'aan:-W/Q Farhan Mohamed Sultan (Rakad)
Waddankeena somaliland 78.6% dadku waa shaqo la,aan, sidoo kale waddankeena 92% waxa buux dhamaan khayraadkii, macdantii dhulkii, baddihii , beerihii ,