Dhalinyaro ku nool Magaalada Muqdisho oo la baxay magaca Ubaxa Muqdisho ayaa bilaabay inay dhir ku beeraan qaybo ka mid ah wadada Maka Al-Mukarama ee Magaalada Muqdisho.

Tani ayaa qayb ka ah soo celinta Bilicdii ay lahaan jirtay Magaalada Muqdisho oo hada ay ka socdaan dhismooyin kala duwan oo Bilicda dalka lagu hagaajinaayo.

Dhalinyaradan ayaa sheegay inay ugu talo galeen dhir beerista wadada Maka Al-Mukarama lacag dhan 15,000 (Shan iyo Toban kun oo doolar).

Guddoomiyaha Dhalinyarada isku abaabulay dhir beerista wadada Maka Al-MukaramaMaxamed Xuseen Xasan Lafoole ayaa sheegay inay soo dhaweynayaan cid kasta oo arintaan kala qayb qaadanaysa.

"Qiimeyn ayaan ku sameynay ka hor inta aan shaqada la bilaabin, Dhir Qurxoon ayaan Wadada ku beereynaa, Rinjiyeen iyo Leerar Wadada Iftiimiya oo loogu talagay ayaan sidoo kale ugu talo galnay, waxaana ugu talo galnay Lacag gaareysa $15,000 (Shan iyo Toban Kun oo Doollar), waxaana ku soo dhaweeneynaa Muwaadin kasta oo jecel in uu ka qeybqaato fikirkaan wanaagsan oo ay nagu xambaartay wadaniyad iyo dal jaceyl.” ayuu yiriMaxamed Xuseen Xasan Lafoole oo ah Guddoomiyaha Dhalinyarada is abaabulay.