Wararka ka imaanaya magaalada Gaalkacyo ayaa sheegaya in maanta ciidamo gadoodsan oo katirsan Daraawiishta maamulka Puntland ay wareegeen xarunta Bangiga Keyda lacagaha gobolka Mudug ee kuyaala Waqooyiga magaalada Gaalkacyo. Sida aan Wararka ka heleyno ciidamada hubeesan ayaa ka gadoodsanaa mushaar la'aan la sheegay in dhoor bilood lasoo daristay, waxa ayna ciidamada gabi ahaan diideen in Bangiga la galo ama loo soo dhawaado.

Ciidamada Gadoodsan ee la wareegay Bangiga kuyaala waqooyiga magaalada Gaalkacyo ayaa gabi ahaan xiray wadooyinka soo gala iyo kuwa ka baxa, waxa ayna ciidamadan yihiin kuwa aad u hubeesan oo wata gaadiidka dagaalka.

Masuuliyiin katirsan maamulka Puntland ayaa wada dadaalo ay xal ugu raadinayaan ciidamada gadoodsan ee la wareegay Waqooyiga magaalada Gaalkacyo, waxa ayna masuuliyiinta wadahadalo la fureen ciidamada gadoodsan .

Ciidamo katirsan Maamulka Puntland ayaa marar badan sidan oo kale ula wareegay bangiyo iyo xarumo kuyaala magaalooyin katitrsan maamulka Puntland, ciidamadan ayaana cabasho ka ah mushaar laa'an lasoo daristay