Maamulka Galmudug, ayaa maanta laba nin ku wareejiyay Maamulka Puntland, ka dib markii raggaasi lagu eedeeyay in ay gaadiidka ka soo dhici jireen Waqooyiga Magaalada Gaalkacyo.

Taliyaha Hay'adda CID-da Galmudug, Maxamuud Cilmi Gulaafe, ayaa sheegay in maanta ay Puntland ku wareejiyeen laba nin iyo hal gaari, oo Waqooyiga Gaalkacyo ay ka soo dhaceen.

Cismaan Xasan Cuuke, Taliyaha Qaybta Booliska Gobolka Mudug ee Puntland, ayaa soo dhaweeyay tallaabada ay Galmudug ugu soo wareejisay labadaasi nin.

Taliyaha, ayaa waxaa uu tallaabadan ku sheegay mid ka marqaati kaceyso in wada shaqayni ay labada maamulba ka dhaxeyso.