-- Wafiga Somaliland ee munaasabadan qalinjabinta ka qaybgalay oo ka koobnaa: Wasiiru-dawlaha Arrimaha Dibeda Maxamed Mixile Boqore, Gudoomiyaha Hay'adda Shaqaalaha Dawlada Sharmaake Axmed Muxumed, Agaasimaha Guud ee hay'adda shaqaalaha Dawlada Maxamuud Ismaaciil Cilmi "Deeq" , Agaasimaha Waaxda Waxbarashada ee machadka tababarka Shaqaalaha Dawlada Maxamed Cabdiraxmaan Warsame ayaa shaqaalaha dawlada la qaybsaday farxada maalintan ay muddada badan sugayeen.

- Xidhiidhka Jaamacada Ethiopia ECSU iyo Machadka tababarka shaqaalaha dawlada Somaliland CSI ayaa ah mid xoogan isla markaana cago adag ku taagan iyadoo aynu sannado badan ka helaynay xidhiidh xirfad wadaag iyo deeq waxbarasho oo sanadle ah.taasoo sanad walba ay kasoo qalinjabiyaan shaqaale sita shahaadada darajada koobaad iyo labaad-ba

- Haddaba, tayeynta shaqaalaha dawlada oo kamid ah mudnaanta koobaad ee helida shaqaale xirfad le oo qarankan u horseedi kara kob iyo kaalin la mahadiyo ayaan kala qaybgalnay maalintoodan boqran

- Shaqaalaha dawlada ee soo qalinjabiyey Waxaan ugu ducaynayaa mustaqbal wanaagsan waxaanan ku rajo waynahay in ay xirfad iyo xidhiidh ba kasoo korodhsadeen muddadii ay dalkan wax ka baranayeen isla markaana qaranka Somaliland u daadihiyaan horumar aan la haybsan karin.

- Waxaan sidoo kale shacabka aan u shaqayno ugu bushaaraynayaa in ay markale inoo soo baxeen halyeeyo adeeg hufan idin siin doonna marka aad hay'ad dawli ah wax uga baahataan.

Xirfad iyo adeeg hufan waa hiigsiga hay'adda shaqaalaha JSL