QABYAALADA AYNU SI DHAB AH U AASNO, by proff Abdi rizak Baradho
QABYAALADA AYNU SI DHAB AH U AASNO,
Waxaan halkan maanta kaga hadlayaa mawduuc aad u muhin ah Waxaanan WAX ka odhan doonaa intii ilaahay iga garansiiyo aniga Insha allah mawduucani waa qabyaalada .Aqoonyahankeenu hore ayay uga hadleen qabyaalada kuna cadeeyeen suugaanMurti maahmaahyo (dugsi male qabyaaladi waxay dumiso mooyaane)Maanta markasta oo jiritaanka soomaaliland aad aragto inay qabado Ka hor imanayaan ama waxa dawadeena iyo dalkeena wax kaliya ee eeb u soojiidaaWaa qabyaalada
Cida qabyaalada wadaa maanta maaha runtii siyaasiyiinta oo qudha xooga saaraysa
Ee waa bulshada oo u hogaansan qabyaalada kana dhigatay diin ama dhaqan
Lama taabtaan ah oo ku wayn agtooda .
Sidaasay tahay ma arkaysid cid cadaysanaysaa inta badan oo ku doonaysaa
Wanaag ama xumaan waayo waa wax qarsoon oo la qarsanayo (waxay
Soomaalidu ku maahmaahdaa waxaad qarsataaba way ku qarsadaan)bidaari sibiq ayay
Kugu gashaa waar hooy maanta xumaanteedu aad uguma muuqato bulshada oo wali waxay agtooda
Ka tahay wax caadiya .
Laakiin waxaan leeyahay waa masiibo soo socota oo u baahan in laga hortago dakuna aanay garanayn
Cidhib danbeedkeeda , sidoo kale nabigeenana nnkh ayaa xadiis inoogu sheegay inay qabyaaladu
Tahay wax u raysaa oo waliba uu raaciyay ka taga way uraysaaye)
Habeen dhowayd waxaa muxaadaro ka hadlaysaa qabyaalada maasidka layidhaahdo madiina
Ee burco ku yaala ka soo jeediyay culimo dhawr ah oo ka timid hargaysa uuna hormuud u yahay
Sh Maxamed Cumar Dirir alle khayr iyo xasanaadba haka siiyee
Waxay sheegeen in xitaa ay marayso oo ay ka gaadhay dadku maanta inay diintii iyo qofkii
Islaamka ahaa loo naco qabiil tusaale ahaan waxa uu shekhu yidhi sidan(waxaa dhacday ama dhacda in dadku muxaadarada ama khudbaaha diiniga ay dhagaystaan ka dibna markay dhamaato ayay iswaydiiyaan su aalo waar shiikhu wuxuu ahaa nin si fiican oo cajiiba inoo wacdiyay alle khayr ha siiyee
Niyaw yuu ahaa dee reer qudhac aar naga daa hadaa waxa)
Inaa lilaahi wa inaa ilayhi raajicuun bal kawarama)
Iyadoo ay ariintaas afadeeda aad uga hadleen abwaanadii hore ee soomalidu haddaynu tusaale qaar kamida soona qaadano waxaa in badan oo inaga midi garanaysaa gabaygii abwaan tima cadde ee dugsi male qabyaaladi
Dariiq toosan Soomaaliyey waa lagaa dadaye
Darajada Ilaahay ninkii doonayaa hela e
Ninka duday distoorkiyo waxyiga diinta ka carrowye
Dugsi malaha qabyaaladi waxay dumiso mooyaane
Hadaynaan xumaantiyo dilkiyo daynin kala qaadka
Dibaddaan ka joognaa sharciga daacadda Ilaahe
Danbarkeedu waa Jahannama iyo dogobkii naaree
Dugsi ma leh qabyaaladi waxay dumiso mooyaane
.
Dir dir la isu laayiyo intaan weerar daba joogno
Ooy dumarku weerkii sitaan danabadii waayey
Dabac-yaa lahaayay intaynu isu dooxayno
Uu sida dureemada u yaal meydku dibaddiinna
Kollaba doogsan maysaan intaad dunida joogtaane
Dugsi male qabyaaladi waxay dumiso mooyaane
sidoo kale abwaanadii dhexe ayaa iyana kahadlay aan tusaale kale usoo qaato abwaankii caanka ahaa ee Maxamed Xaashi Dhamac Gaariye ayaa arintaas isaguna aad ugu xiiqay isagoo inagala hadlayana wuxuu yidhi:
Dugsi male Qabyaaladi Waa dararta Baahida
Waa astaanta Dib udhaca Waa boog daloosha
Dadka beerka Kaga Taal Duqsi qudhun kunooliyo
Waxa fadha Qof daalina damqa oo ku joogsada.
markale ayuu haddana wuxu yidhi
Abkuu doono ha sheegtaa waxuunoo ehel ii ah
Dadka kaan af aqaano ee si wax iila arkaaya
eey na midaysay u jeedo.
markalena waakii lahaa
Uf qabiilka anaa leh waxuunoo ku ageedta
Qof iskii kartidisa isku taagi karaynin
Una haysta ateero malintuu danbi gaysto laga hoos galo eeda
sidoo kale saaxiibkii abwaankii isna caanka ahaa ee Ibraahin Gadhle ayaa isagoo arintaa ka jawaabaya wuxu yidhi,
GAARIYOW MA IISHOW
UF QABIILKA AAD TIDHI
HADDUU ADIGA KUU URAY
RAG KU UUNSADAA JIRA
Bal hada aynu eegno hal abuuradii danbe oo iyaguna arintaasi si wayn uga hadlay waxaan isna soo qaadanaynaa Abwaan Cabdiraxmaan M Cali UBAXLE oo isna aad inooga digaya dhibaatada qabyaalada inaguna boorinaya isku duubnida,
Marhaddaan adduunyadan mabsuud meelna lala joogin
Marhaddaan midnimo iyo kalgacal la isku maamuusin
Mar haddaan munaafaqad xun iyo muran la daynaynin
Marhaddaan madfacan igu dhiciyo dhiiga la mamnuucin
Marhaddaan mindiyo loo tumiyo soodhka laga maagin
Marhaddaan qabyaaladi kamadhan maamulkeed dhimaye
Muslin midiba midi saaranyiyo meel godaan ahaye
Abwaan ubaxle oo oo isna aad inooga digaya dhibaatada qabyaalada inaguna boorinaya isku duubnida markale wuxu yidhi
Ma huraan iswada dooxayoo maanlabaannahaye
Mumin iyo dadjaaraad tihiin meelna wada yaale
Midgta iyo bidixdaad tihiin kalama maarmaanne
Midqudhaad kawada siidhantiin maggaca soomaale
Ummadyahay mataanaadtihiin maydinaan garane
Marka uu libaax muuqdaybaa weere meel galaye
Dhaxaa colaad lagu madhaye mawfiq kaga dhaarta
Maggaceen hadaydaan dilayn midigta taageera
Iska moosa ceebtana intaan laydin maqal goorta
Ubaxle oo haddana dhaliilsan arintan aan laga ilbaxayn ee wali halkii uun lataganyahay wuxu yidhi,
Ummadyahay madluunkaad tahaan meel la jiifsadaye
Ummadyahay xanuun muuqdaybaad manta fidiseene
Cudur maanka kaa kaasoo ridaad nagu mudaysaaye
Meesha majoogina nin yidhi wuu ka meelmaraye
Intaydaan maruun nagu quficin meelkalaan tagiye
Bulshayahay maroorbaa ku galay meelaad joogtaba e
Bulshayahay masiibiyo balaad malabsanaysaaye
Bulshayahay makhaayado jinbaad muran ku haysaaye
Bulshayahay adoo mahdqabaad mudhuxsanaysaaye
Bulshayahay mashxarad kaafogbaad meelkatumaysaaye
Bulshayahay maneeniyo jibaad madadsanaysaaye
Bulshayahay inaad meelmarteen haw malaynine e
Bulshayahay wixii maalmo dumay maydinaan dayine
bushayahay wixii meerto tegay meel kumaad dhigane
Sidaa si lamida abwaan weedh same ayaa isaguna leh,
Qabyaalada kaamamkeeda
Waxaa kadalooba wiilal
Kolkaan arkayeen jalleecay
Sidaan ahay kiiniyaati
Qariib laga keenay koongo
Naftayda qalaan ku koobay.
Prepared by proff Abdi rizak Baradho
QABYAALADA AYNU SI DHAB AH U AASNO, by proff Abdi rizak Baradho
Cida qabyaalada wadaa maanta maaha runtii siyaasiyiinta oo qudha xooga saaraysa Ee waa bulshada oo u hogaansan qabyaalada kana dhigatay diin ama dhaqan