Wasiirkii hore ee wasaaradda Madaxtooyadda Maxamuud Xaashi Cabdi ayaa hambalyo u diray golaha wasiirrada cusub ee uu magacaabay Madaxweyne Muuse Biixi Cabdi.
Halkan hoose ka akhri qoraal kooban oo la soo geliyay barta uu facebookga ku leyahay ex wasiirkii hore ee wasaaradda Madaxtooyadda Maxamuud Xaashi Cabdi. Waxanu u dhigna Sidan
"Bismilaahi raxmaani raxiim.
Waxaan hambalyeynayaa xubanaha gollaha Wasiirada cusub ee uu maanta magacaabay Madaxweyne Muuse Biixi Cabdi, waxaan ILAAHAY ugu rajaynayaa masuuliyiintaa cusub ee madaxweynuhu cugtay inuu xilka ku asturo, ayna noqdaan kuwii dalkooda iyo dadkoodaba u shaqeeya, waxaan kula dardaarmayaa masuuliyiintaa iyo madaxdaas dadaal, daacadnimo iyo isku-duubni.
Waxa kale oo aan jecelahay inaan hambalyeeyo dhammaan xubnihii golaha wasiirada Madaxweyne Siilaanyo oo dalka iyo dadka u soo shaqeeyey, ILAAHAY ayaa ka abaal marin doona, waxa aan leeyahay oo aan aamin-sanahay in saaxiibaday ay yihiin rag bisil oo garanaya siyaasada in aannu qofku mar walba xil hayn, oo maalina uu isagu xil hayo, maalina saaxiibkiisa kale hayo.
Sharaf ayey noo tahay dhammaantayo in aannu Madaxweyne Siilaanyo la soo shaqaynay, in xisbigii KULMIYE guulaystay, in uu Muuse Biixi uu madaxweyne noqday, gollahaasi wasiirada ee hore cidina ugama tacab badnayn guushan, siyaasaduna mar la nasto iyo mar xil la hayaba way leedahay, ciyaariyahanka wanaagsan ayaaba la nasiyaa iyada oo ujeedooyin badan laga leeyahay, waxaan aaminsanahay inay bisaylkaas leeyihiin oo ay caloolsan yihiin, aniga iyo saaxiibadaydaasi waannu soo dhawaynayaa golaha cusub, waxaanu balan qaadaynaa in aannu la shaqayn doono."
Wa bilaahi Tawfiiq
Guul Somaliland.
0 
"Siyaasadu mar la nasto iyo mar xil la hayaba way leedahay, ciyaariyahanka wanaagsan ayaaba la nasiyaa iyadoo..."Maxamud Xaashi Cabdi Ex Wasirki Madaxtoyada
Wasiirkii hore ee wasaaradda Madaxtooyadda Maxamuud Xaashi Cabdi ayaa hambalyo u diray golaha wasiirrada cusub ee uu magacaabay Madaxweyne Muuse Biixi Cabdi.