Guddoomiyaha Xisbiga KULMIYE Oo Ka Hadlay Go'aankii Maxkamada Sare Soo Saartay
Ujeeddo: Aragtida Go’aanka Maxkamadda Sare SL
Xisbiga KULMIYE waxa uu soo dhawaynayaa go’aanka ay soo saartay Maxkamadda Dastuuriga ah ee Jamhuuriyadda Somaliland maanta oo taariikhdu tahay 23/07/2015, waxaannuna diyaar u nahay in aannu ugu dhaqanno sidiisa.
Waxa kaloo aannu si gaar ah u soo dhawaynaynaa qodobka saddexaad ee go’aanka Maxkamadda Sare ee amraya in dhinacyada doorashadu khusaysaa soo afjaraan muranka taagan.
Sidaa darteed xisbi ahaan waxaannu jecelnahay in arrintaasi laga midho-dhaliyo, iyadoo horeba KULMIYE uu ugu jirnay sidii loo dhammayn lahaa khilaafkan, waxaannuna ugu baaqaynaa xisbiyada mucaaradka ah inay nalaga hawlgalaan dhammaystirka iyo hirgelinta heshiiskii hore loo galay.
ALLAA MAHAD LEH
Muuse Biixi Cabdi
Guddoomiyaha xisbiga KULMIYE
Guddoomiyaha Xisbiga KULMIYE Oo Ka Hadlay Go'aankii Maxkamada Sare Soo Saartay
Guddoomiyaha xisbiga muxaafidka ah ee KULMIYE Mujaahid Muuse Biixi Cabdi ayaa ka hadlay go'aankii maanta ay khilaafkii shirka wada tashiga ee mucaaridka ah ay kasoo saartay maxkamada Sare. REF: XK/XGX/0042129/2015 Date: 23/07/2015