Gudoomiyaha gobolka maroodi-jeex oo markii ugu horeysay ka hadlay qabsashadii Ciidanka Qaranka ee Degmada Taleex
Gudoomiyaha gobolka maroodi-jeex Maxamed Maxamuud
(Jeeni-yare) ayaa soo dhaweeyay tagida ay tageen ciidamada qaranka
Somaliland degnada Taleex ee ka tirsan gobolka Sool.
Gudoomiyaha ayaa sidaasi ku sheegay mar uu xalay u waramayay
warbaahinta isagoo talaabadan ay ciidanka qaranka Somaliland ku hambalyeeyay
sheegayna inatay tahay wax lagu diirsado.
"Anigoo ah badhasaabkii gobolka Marood-jeex waxaan hambalyo
iyo bogaadin u dirayaa ciidanka qaranka Somaliland ilaahay waxaan uga baryayaa
in ay guulaystaan. Ciidamadu maanta (shalay) waxay gaadheen degmada Taleex oo
gobolka Sool ka tirsan, taas oo niman qawlaysato ahi ay shacabka reer Taleex
dhibaato ku hayeen kuwaas oo marba magac sheegta,”ayuu yidhi Guddoomiyaha
Gobolka Maroodi-jeex oo mar ahaan jiray Guddoomiyaha Gobilka Sool.
Gudoomiye Jeeni-yare isagoo hadalkiisa sii wata waxa uu intaa
ku daraym "Markaa dhambaalkaygani waa hambalyo
ciidanka qaranka aan u soo jeedinayo. Shacabka reer talleex iyagana waxaan uga
mahad celinayaa sida diiran ee ay u soo dhaweeyeen ciidanka qaranka oo
shuftadii dul fadhiday ee dhibaatada ku haysay ay sababtay dadkii reer Taleex
ee wada dhashay ay islaayaan ama coloobaan.”
"Markii ay ciidamada qaranku gaadheen
degmada Taleex shacabka, waxgaradka culimada, cuqaasha, dhalinyarada iyo
haweenkuba sida fiican ee ay u garteen in ay ciidankooda u soo dhaweeyaan.
Haddana waxaan kula dar-daarmayaa in ay ciidankooda la jaan qaadaan oo
horumarka ka socda gobolada dalka,”ayuu yidhi Mr. Jeeniyare.
Badhasaabka Maroodi-jeex oo si gaar ah ula
hadlayay dadweynaha ku dhaqan degmooyinka Talleex iyo Boocane, waxa uu yidhi
"Degmooyinka Somaliland sida Boocane iyo Taleex oo ahaa dhulkii nimankaa
qawlaysatada ahaa fadhiday waxaan leeyahay reer Taleexoow ka faa’iidaysta
jaaniska oo la jaan qaad dawladnimadiina. Aad baan ugu mahad celinayaa ciidanka
qaranka iyo taliyahoodaba arrintaana waxaan mahad gaar ah u celinayaa
madaxweyneheenna oo innagu hogaaminaaya.”
"Ciidamada qaranku iyagoo tudhaaya sida ay u
gaadheen deegaamadii Somliland waxa inoo hadhay-na waxaan rajaynayaa in si
nabad gelyo ah aynu ku gaadhi doono.” Ayuu yidhi gudoomiyuhu mar uu ka hadlayay
xeeladda saraysay ee ciidanka qaranku kula wareegay jiidaas iyadoo aanu wax
dagaal ahi ka dhicin. "Ciidanka qaranka Somaliland waxaan ku hambalyaynayaa
waajibaadka qaran ee ay guteen, dadweynaha reer Taleex-na aad baan ugu
bogaadinayaa sida fiican ee ay ciidankooda u soo dhaweeyeen. Waxaan u soo
jeedinayaa in wixii hadda ka dambeeya ay ka shaqeeyaan horumarkooda nabad galyo
si ay ula jaan qaadaan bulsho waynta Somaliland,”ayuu yidhi Badhasaabka
Maroodi-jeex.
Afkashacabka.com Hargeysa /Office Contact@afkashacabka.com
Gudoomiyaha gobolka maroodi-jeex oo markii ugu horeysay ka hadlay qabsashadii Ciidanka Qaranka ee Degmada Taleex
Gudoomiyaha gobolka maroodi-jeex Maxamed Maxamuud (Jeeni-yare) ayaa soo dhaweeyay tagidda ay tageen ciidamada qaranka Somaliland degnada Taleex ee ka tirsan gobolka Sool.