Dooxa Huluuq Ee Deegaanka Arabsiyo Oo Qaadey Laba Baabuur Oo Ah Gaadiidka Waaweyn ee Xamuulka Qaadka
Gudoomiyaha Degmada Arabsiyo Cabdilaahi Cabdi Faarax oo uu waramayay warbaahinta qarkood isagoo jooga Magaalada Arabsiyo ayaa xaqiijiyay in labadaa baabuur
Laba
kamid ah Gaadiidka Waaweyn ee qaada Qaadka ayaa, caweysinkii caawa daad
ku qaadey Dooxa Huluuq oo dhinaca Bari ka Xiga Magaalada Arabsiyo
halkaas oo khasaaraha ka dhashey aanu dhaafsiisneyn Gaadiidkaasi
laakiin, dirawaliintii iyo dadkii saarnaa ay ka badbaadeen.
Gudoomiyaha Degmada Arabsiyo Cabdilaahi
Cabdi Faarax oo Shabakada Wararka Hadhwanaagnews ugu waramey khadka
isgaadhsiinta isagoo jooga Magaalada Arabsiyo ayaa xaqiijiyay in labadaa
baabuur ee waaweyn uu qaadey daadku islamarkaana, ay ka badbaadeen
dirawaliintii iyo dadkii kale ee saarnaa, waxaanu Gudoomiyihu dhaliisha
dusha ka saarey dirawaliinta Baabuurta oo uu ku sheegay qeyra masuul,
isagoo xusey in baabuurtani ahaayeen kuwa qaadka qaada.
"Gaadiidkan uu qaadey daadku caawa waa
Gaadiidka waaweyn ee qaadka kasoo qaada dhinaca Itoobiya, runtiina wuxu
aasey daadku baabuurtaasi oo
uu
indoor ah qaadey haseyeeshee, Dirawaliintii iyo dadkii saarnaaba wey ka
badbaadeen, mid waxaa iska leh Shirkada Qaadka FF, todobaad gudihii waa
baabuurkii afraad, nimacada roobka illaahey ayaa ina siiseyay, laakiin
waa qeyra masuulnimada ay sameynayaan nimanka dirawaliinta ahi, waana
khalad in ay daadka oo soconaya baabuurta kusoo dhex tuuraan, waa
badheedh in laga qabto oo lagu ganaaxo ayaa fiican"Sidaa waxa yidhi
Gudoomiyaha Degmada Arabsiyo Cabdilaahi Cabdi Faarax.
Waxaanu intaa ku darey hadalkiisa in
Xukuumadu fiiro gaar ah u yeelato arintaasi, si looga hortago haligaada
ay masuuliyadeeda leeyihiin dirawaliinta Gaadiidka.
Waa markii labaad ee nooceeda ah oo tan
iyo intii ay dhawaan roobabka xiligani curteen ay dooxyada Arabsiyo
qaadaan Gaadiid noocan oo kale ah, inkastoo aanay dadkii saarnaa waxba
ku noqonin oo ay ka badbaadeen.
Afkashacabka.com
Hargaysa/Office
contact@afkashacabka.com
Afkashacabka.com
Hargaysa/Office
contact@afkashacabka.com
Dooxa Huluuq Ee Deegaanka Arabsiyo Oo Qaadey Laba Baabuur Oo Ah Gaadiidka Waaweyn ee Xamuulka Qaadka
Gudoomiyaha Degmada Arabsiyo Cabdilaahi Cabdi Faarax oo uu waramayay warbaahinta qarkood isagoo jooga Magaalada Arabsiyo ayaa xaqiijiyay in labadaa baabuur