Jaamac Shabeel oo Warsaxaafadeed Digniino iyo Hanjaabad soo saaray si Adagna ula hadlay Xubnaha isbahaysiga
Warsaxaafadeed uu soo saaray Gudomiyaha golaha dhexe kulmiye jaamac shabeel ayaa loogu digay gudomiyekuxigenada 2aad iyo 3aad ee xisbiga kulmiye waxana lagu yidhi sidan
Anigoo tixraacaya qoraalka muranka iyo fadqallalada xanbaarsan ee sumaddiisu tahay KDC/08/012/2006 ee lagu sheegtay garabka Isbahaysiga Dimuqraadiga xisbiga KULMIYE ee ku soo baxay warbaahinta 24/3/2016, kuna saxeexanyihiin labadii Gudoomiye-ku-xigeennada labaad iyo saddexaad ee xisbiga – Maxamed Yusuf Waabeeyo iyo Cabdiraxmaan Talyanle, waxaan mar labaad la socodsiinayaa xisbiyada Qaranka iyo hay’adda sharciga inay labadaa xubnood xayndaabkii sharciyadda xisbiga KULMIYE ay iskood isaga saareen, ugana baxeen xisbiga KULMIYE markay si badheedha, iyagoo adeegsanaya warbaahinta, uga horyimaadeen dastuurka iyo go’aamadii hay’adda Golaha Dhexe ee xisbiga, iyagoo go’aamadii Golaha Dhexe ee Kalfadhigii 5aad ee xisbiga ku tilmaamay inay yihiin xaaraan, taasoo ugu filan caddayn inay iskood uga baxeen xisbiga KULMIYE, waxaanay ku xadgudbeen Dastuurka Qodobadiisa 13aad iyo 9aad xubinta j. waana (FAL GARANTE) qofka lagu qabto isagoo dambiga faraha kula jiraa malaha wax xasaanad ah.
Kala noqoshada xubinimada xisbigana waxa caddaynaya:
-
Dastuurka xisbiga KULMIYE Qodobkiisa 11aad oo tilmaamaya sababaha lagu waayi karo xubinimada xisbiga, xataa haddii aan lagu haynin (FAL GARANTE).
-
Sidoo kale, qodobka 10-aad ee Xeerka Nidaamka Ururada iyo Axsaabta Siyaasadda Xeer Lr. 14/ 2 0 1 1, kaas oo sheegaya sababaha lagu waayi karo xubnimada urur ama xisbi qaran.
Jaamac Shabeel oo Warsaxaafadeed Digniino iyo Hanjaabad soo saaray si Adagna ula hadlay Xubnaha isbahaysiga
Warsaxaafadeed uu soo saaray Gudomiyaha golaha dhexe kulmiye jaamac shabeel ayaa loogu digay gudomiyekuxigenada 2aad iyo 3aad ee xisbiga kulmiye waxana lagu yidhi sidan