Sheekh Aaden Xaaji Maxamuud Xiirey (Sheekh Aaden Siiro), oo ka mid ah culimada Somaliland, ayaa dadwaynaha reer Somaliland ugu baaqay inay si weyn u xusaan maalinta Gooni isku taaga ee 18-ka May.

 

 

Sheekh Aaden Siiro, ayaa sheegay in loo baahan yahay in dadweynuhu ay muujiyaan waxa ay doonayaan isla-markaana calanka Jamhuuriyadda Somaliland iyo astaamaha xuska 18-ka May meel walba laga muujiyo.

Sheekh Aaden Siiro, ayaa ka hor khudbaddii Jimacaha ee shalay ka hadlay muhiimadda maalintani u leedahay Somaliland.

Sheekh Aaden Siiro, oo arrimahaa ka hadlayaa waxa uu yidhi "Dadwaynaha reer Somaliland, waxaanu ku dhiirigalinaynaa maadaama oo ay tahay Maalintii gooni isku taaga Somaliland inay u soo baxaan oo ay weyneeyaan oo ay muujiyaan waxa ay doonayaan, oo ay aad iyo aad culays u saaraan, meheradahana aad ha uga muuqata”ayu yidhi sheekhu

Sheekh Aaden Siiro, waxa kale oo uu ka hadlay muhiimadda ilaalinta ammaanka "Waxa kale oo lagama maarmaan ah inay u foojignaadaan nabadgalyada oo ay dhaqdhaqaaqa aad u ilaaliyaan, wixii ILAAHAY inoo diidayna aynu iska ilaalino (dhaqan xumada), dumarkuna is ilaaliyaan” ayuu yidhi sh. adan siiro