waxay ahayd subax ifaysa oo aad uga duwan subaxaha kale, waxaa wacyi galin loogu jarmaaday dugsiyada hoose dhexe ee dawliga ah iyadoo ardayda lagu wacyi galinaayay qaab dhaqanka wanaagsan ee Islaamka iyo wanaagga ardayga summadda u ah marka uu dugsiga joogo iyo marka uu bulshadaku dhex jiraba, iyada oo si gun dheer loo dareensiinayo inay yihiin rajada kaliya ee dalka iyo dadkuba ku ildoogsadaan.

Waxa sidoo kale ardaydaa lagu baraarujiyay inay dhawrtaan hantida guud ee dugsiyadooda taala sidoo kalena ay ka qayb qaatan dayac tirka agabka waxbarasho ee dugsigooda ka xumaada.
Guud ahaan waxay ahayd maalin aad udareen badan oo ugu yaraan 5kun oo arday oo ku kala sugan 10 dugsi oo gobalada kala duwan ee dalkaa lala wadaagay fariintaa wadaniyada iyo wacyi galinta xambaarsan, iyadoo ugu dambayntiina guddiyo ardayeed ka qaybqaata horumarinta dugsiyadooda aanu halkaa kasoo samaynay annagoo si joogtaa ugala shaqayn doona baahiyaha dugsiyadaas.
Hawshan oo ka qabsoontay Hargaysa, Burco, Berbera, Borama, Ceerigaabo, Laascaanood iyo Gebilay ayaa ahayd hawl na bartay in baahi loo qabo wacyi-gelin la siiyo ubaxa mustaqbalka.
Farriintayaduna waa: Fadlan qof kastow Soo booqo dugsiga kuugu dhow oo wacyi gelin iyo toosinba sii ubadka dalka usoo baxaya.