Xiddigaha ka maqan Bayern Munich: Holger Badstuber iyo Franck Ribéry

Xaqiiqooyinka ciyaarta:-

Kulanka kooxahan England iyo Germany dhexmaraya ee Arsenal iyo Bayern Munich ee wareegga 16-ka ayaa ah markii saddexaad oo ay ku ku kulmaan wareegan, labadii jeer ee hore waxaa soo gudubtay Bayer Munich oo kala ahaa (2004/05 iyo 2012/13,) Arsenal ayaana la reebayay.

Arsenal ayaa laga badiyay saddexdii kulan ee ugu dambeeyay oo ay garoonkeeda kula ciyaartay kooxaha Germany ka socda, xagaagii hore Gunners waxaa uga adkaaday garoonkeeda Schalke iyo Bayern Munich halka Borussia Dortmund ay iyagana ku soo adkaatay garoonkan xagaagan gaar ahaan wareeggii guruubyada.

Bayern Munich ayaa guul gaartay labadii kulan ee ugu dambeeyay oo ay ku ciyaartay cariga England, labadii kulanna mid walba waxaa ay ku adkaaneysay 3-1,waxaa ay meel saareen kooxaha Arsenal iyo Man City.

Arsenal ayaa ah kooxda kaliya oo Real Madrid la wadaagta inay gaarto wareegga 16-ka ee Isreeb reebka xilli ciyaareed kasta tan iyo 2003/04.

Arsenal ayaa laga badiyay kaliya saddex ka mid 18-kii kulan ee ay garoonkeeda ku ciyaartay isreeb-reebka Champions league, 10 waa ay ku badisay, shan barbaro iyo saddex guuldaro.

Bayern Munich ayaa gaartay Finalka Champions league saddex jeer oo kamid ah afartii xilli ciyaareed ee ugu dambeeyay, haatanna waxaa ay difaacanayaan koobkan kaddib markii 2-1 ay koobka ugu qaadeen xagaagii hore Borussia Dortmund.

Arsenal ayaa ah kooxda kaliya ee ugu dambeysay oo Bayern Munich garoonkeeda Allianz Arena gool ugu diida Champions league, waxaa ay aheyd 13 March 2013, markaas oo Gunners ku adkaatay 2-0.

Bayern Munich ayaa badisay shantii ciyaar ee ugu dambeeyay wareegga isreeb-reebka Champions league, waxaa ay dhalisay 13-gool, hal gool ayaa laga dhaliyay.

Bavarians ayaa sidoo kale badisay toddobadii kulan ee ugu dambeeyay Champions league oo ay ku ciyaartay meel bannaanka ka ah Allianz Arena.

Arsenal ayaa siddeed gool ka dhalisay xagaagan Champions league.

Bayern Munich ayaa ah kooxda kaliya ee sameysay shuudadka ugu badan ee Champions league xagaagan, waana 54 bartilmaameed, waxaana 34 shuut ay dheeryihiin Arsenal oo 19 shuut ka sameysay xagaagan Champions league.

Afartii gool ee ugu dambeeyay Champions league oo Arsenal ku dhalisay garoonkeeda, labo ka mid ah waxaa dhaliyay Olivier Giroud iyo labo kale uu dhaliyay Jack Wilshere.

Arjen Robben ayaa dhaliyay lix gool toddobadii kulan ee ugu dambeeyay uu Champions league ka soo muuqday.

Arsenal ayaa qadka dhexe ku adkeyn doonta Wilshere iyo Flamini iyadoo ciyaartan uu ka ganaaxan yahay Gunners Arteta.

Franck Ribery ayaa isaguna dhaawac ahaan u seegaya wareeggan 16-ka.

Bayern Munich ayaa xagaagii 2005 garoonkeeda ku reebtay Arsenal iyadoo lagu jiro lugta labaad ee wareegga 16-ka, waxaa ay ku hartay Gunners isku celi celis ahaan 3-2, inkasta oo uu Henry 66 daqiiqo gool u dhaliyay, goolka kale waa ay keensan waayeen 1- 0 ayey ku adkaatay balse sharciga ayaa u diiday inay gudubto.

Ogeysiiska ciyaarta:-

Kulanka: Arsenal vs Bayern Munich

Garoonka: Emirates Stadium

Garsooraha: Nicola Rizzoli

Tartanka: Wareegga 16-ka Champions league

Taariikhda: 19/02/2014

Saacadda: 10:45 habeenimo geeska Afrika

Maalinta: Arbaco

Safka macquulka ah ee kulankan:-

Arsenal: Szczesny; Gibbs, Mertesacker, Koscielny, Sagna; Flamini, Wilshere; Ozil, Cazorla, Oxlade-Chamberlain; Giroud

Bayern: Neuer; Alaba, Dante, Boateng, Rafinha; Lahm, Schweinsteiger; Tiago, Muller, Robben; Mandzukic.