Boqolaal qof oo isugu jira dumar, caruur iyo waayeel ayaa ku dhintay, halka laba jibaar tiro intaas le’egina ay ku dhaawacantay.

Hanti faro badan ayaa iyaduna ku burburtay duqayntan dhinaca cirka ah ee ay Yuhuudu soo qaaday dadka reer Falastiin.

Dunida Muslimka ah iyo waliba dadyoowga kale ee aan muslimka ahayn ayaa xoog u cambaareeyay, waxaanay ugu baaqeen in ay sida ugu dhakhsaha badan uga joojiyaan duqaynta dadka aan waxba galabsan ee reer Falastiin.

Ciyaaryahanka caanka ah ee Adnan Januzaj oo ka mid ah xiddigaha Kubada cagta ee Muslimka ah ayaa si xoog ah u cambaareeyay weerarka Yuhuuda.

Waxa uu xusay in dadka dhimanayaa ay yihiin Islaam, laakiin aanay diinta Islaamka aanay waxba u dhimayn, waxaanu yidhi "Israa’iileey, waad dili kartaa dadka Muslimka ah, laakiin waligaana dili kari maysid Diinta Islaamka” ayuu yidhi.