Madaxwaynaha Mareykanka Donald Trump ayaa ku dhawaaqay in ciidamada gaarka ah ee Mareykanka ay gacanta ku dhigeen nin looga shakisan yahay in uu ku lug lahaa weerar lagu qaaday dhismihii qunsuliyadii Mareykanka ay ku lahaayeen magaalada Benghazi.

Mr Trump ayaa ninkani magaciisa ku sheegay Mustafa al-Imam, waxa uuna sheegay in cadaaladda uu ku wajihi doono gudaha Mareykanka .

Weerarkaasi lagu qaaday Qunsuliyadii Mareykanka ee Bengazi waxa ku dhintay safiirkii Mareykanka ee halkaasi Chris Stephens iyo seddex qof oo kale oo Mareykan ah.

Mr Trump ayaa xilligii ololaha doorashada uu ku jiray waxa masuuliyada dusha u saaray Hillary Clinton oo xilligii weerarka uu dhacayay ahayd xoghayaha arrimaha dibadda.

Weerarkaasi Bangazi ayaa waxa horey loogu xiray nin kale oo looga shakisanaa in uu ku lug lahaa .

Ninkani ayaa waxaa lagu maxkamadeynayaa gudaha dalka Mareykanka.

Weerarka Qunsuliyada Mareykanak ee Benghazi ayaa dhacay sanadii 2012.