Fadhigii Saaka ee Golaha Wakiiladda Somaliland oo uu shir guddoominayay Guddoomiye Ku Xigeenka Koowaad ee Axmed-yaasiin Sheekh Cali Ayaanle ayaa waxa ay mudaneyaashu cod ku ansixiyeen xeerka Qandraasaadka qaranka oo ay doodiisu dhamaatay.

Waxa xeerkaasi ogolaaday 40 xildhibaan, 1 Xildhibaan ayaa diiday waxaana xeerkaasi ka aamusay laba xildhibaan, sidaas ayaanu ku ansaxay oo uu ku meel maray xeerka Qandaraasaadka qaranka ee horyaalay golaha wakiiladda Somaliland.Xeerkan ayaa waxa ka hor inta aan la ansixinin uu guddoomiye Ku Xigeenka Koowaad uu cadeeyay in uu muhiimad gaar ah u leeyahay qaranka isla markaana ay dhawri doono sinaanta Iyo dhawrista Hantida qaranka.