Muqdisho:-Isku Shandhayn Lagu Sameeyay Ciidanka Boliska Muqdisho Oo Keentay In Saldhig Bolis Loo Dhiibo Haweenay
isku shaandhayn ayaa lagu sameeyey taliyeyaasha saldhigyada booliska ee magaalada Muqdisho.
Taliyaha guud ee ciidanka Booliiska Somaliya Bashiir Cabdi ayaa ku dhawaaqay isku shaandhayntan oo sidoo kale lagu magacaabay taliyayaal cusub.
Waxaa taliyayaasha cusub ee la magacaabay ka mid ah gabadh muddo u shaqaynaysay booliiska Soomaaliya taa soo sidata darajada Dhame isla markaana lagu magacaabo Raxma Salaad Maxamed.
Dhame Raxma Salaad Maxamed ayaa loo magacaabay taliye saldhig, iyada oo sheegtay in xilka haatan loo dhiibay ay mid ka culus hore u soo qabatay isla markaana ay ka soo bixi doonta kan hada loo magacaabay.
"Shaqadeydii qaran ee aan qaban jiray mid ka mid ah ayay ii tahay magacaabista taliyaha saldhiga Shangaani la ii magacaabay, shaqo ka adag na horey waan u soo qabtay iyadana in aan qabto diyaar ayaan u ahay" ayay tidhi Dhame Raxma oo u warantay BBCsomali
Sidoo kale dhame Raxma Salaad Maxamed ayaa sheegtay inay xilkan ku mutaysatay shaqadeeda oo ay uga soo baxdo sida ugu wanaagsan.
Dhamme Raxma salaad maxamed ayaa booliiska Soomaaliya ku biirtay sanaddii 20106.
Muqdisho:-Isku Shandhayn Lagu Sameeyay Ciidanka Boliska Muqdisho Oo Keentay In Saldhig Bolis Loo Dhiibo Haweenay
Muqdisho:-Isku Shandhayn Lagu Sameeyay Ciidanka Boliska Muqdisho Oo Keentay In Saldhig Bolis Loo Dhiibo Haweenay